എ ഐ എ ഡി എം കെ ലയനം വീണ്ടും പാളി

ചെന്നൈ: മുഖ്യമന്ത്രി ജയലളിതയുടെ മരണത്തെത്തുടര്‍ന്ന് ഭിന്നിച്ചുനില്‍ക്കുന്ന എ ഐ എ ഡി.എം കെ ലയനം വീണ്ടും നീളുന്നു. വെള്ളിയാഴ്ച ചര്‍ച്ച നടന്നെങ്കിലും രാത്രിയോടെ എങ്ങുമെത്താതെ ഇരുവിഭാഗവും പിരിഞ്ഞു. രാത്രി മറീന ബീച്ചിലെ ജയലളിത സമാധിയില്‍വെച്ച് മുഖ്യമന്ത്രി എടപ്പാടി പളനിസ്വാമിയും വിമതപക്ഷം നേതാവ് ഒ പനീര്‍ശെല്‍വവും ഔദ്യോഗികമായി ലയന പ്രഖ്യാപനം നടത്തുമെന്നാണ് കരുതിയിരുന്നത്.

എന്നാല്‍ ഒ പി എസ് പക്ഷത്തിന്റെ യോഗത്തില്‍ ചില വ്യവസ്ഥകള്‍ ചൂണ്ടിക്കാട്ടിയതോടെ ഇതിനുള്ള വഴി താത്കാലികമായി അടഞ്ഞു. ജയലളിതയുടെ മരണത്തില്‍ ജുഡീഷ്യല്‍ അന്വേഷണത്തിനുപകരം തങ്ങള്‍ ആവശ്യപ്പെട്ടതുപോലെ സി ബി ഐ അന്വേഷണം നടത്തണമെന്ന് ഒ പി എസ് പക്ഷത്തെ മുതിര്‍ന്ന നേതാവ് മുനിസ്വാമി ആവശ്യപ്പെട്ടെന്നാണ് സൂചന.

ശശികലയെ പാര്‍ട്ടി ജനറല്‍സെക്രട്ടറി സ്ഥാനത്തുനിന്നു നീക്കണമെന്ന ആവശ്യത്തിലും ഇവര്‍ ഉറച്ചുനിന്നു. എന്നാല്‍ ഇരുപക്ഷത്തെയും നേതാക്കള്‍ എത്താന്‍ വൈകിയതോടെ കൂടിനിന്ന പ്രവര്‍ത്തകര്‍ തിരിച്ചുപോവുകയായിരുന്നു. ലയനപ്രഖ്യാപനം നടക്കുമെന്ന് ഏതാണ്ട് ഉറപ്പായിരുന്നതിനാല്‍ ജയലളിത സമാധി പുഷ്പങ്ങള്‍ കൊണ്ടലങ്കരിച്ചിരുന്നു.

AIADMK merger delayed, O Panneerselvam & E Palaniswami keep talking

AIADMK leader O Panneerselvam and chief minister Edappadi K Palaniswami held hectic parleys with their respective camp followers to deliberate a merger, five months after a power struggle at the top triggered by the ascent of VK Sasikala made a rebel out of Panneerselvam.