ഹൈദരാബാദ്: 2024ലെ ലോക്സഭ തെരഞ്ഞെടുപ്പിൽ ഹൈദരാബാദിൽ മത്സരിക്കാൻ കോൺഗ്രസ് നേതാവ് രാഹുൽ ഗാന്ധിയെ വെല്ലുവിളിച്ച് ഓൾ ഇന്ത്യ മജ്‌ലിസ് - ഇ - ഇത്തുഹാദുൽ മുസ്ലിമിൻ (എഐഎംഐഎം) നേതാവ് അസദുദ്ദിൻ ഒവൈസി. വയനാടിന് പകരം രാഹുൽ ഗാന്ധിയെ ഹൈദരാഹബാദിൽ മത്സരിക്കാനാണ് ഒവൈസി വെല്ലുവിളിച്ചിരിക്കുന്നത്.
നേരത്തെ തെലങ്കാനയിൽ കോൺഗ്രസ് ബിജെപി, ബിആർഎസ്, എഐഎംഐഎം പാർട്ടികളെ ഒരുമിച്ചാണ് നേരിടുന്നതെന്ന രാഹുൽ പറഞ്ഞിരുന്നു. ഇതിനു പിന്നാലെയാണ് ഉവൈസിയുടെ വെല്ലുവിളി. തെലങ്കാനയിലെ തുക്കുഗുഡയിലെ വിജയഭേരി സഭയിലായിരുന്നു രാഹുൽ ഗാന്ധിയുടെ വാക്കുകൾ. അവർ വ്യത്യസ്ത പാർട്ടികളാണെന്ന് പറയുന്നതെങ്കിലും പ്രവർത്തിക്കുന്നത് ഒരുപോലെയാണെന്ന് രാഹുൽ വിമർശിച്ചിരുന്നു. ഇതിനെതിരെയാണ് ഉവൈസി രംഗത്തെത്തിയത്.
തെലങ്കാന മുഖ്യമന്ത്രി ചന്ദ്രശേഖർ റാവുവിനോ ഉവൈസിക്കോ നേരേ സിബിഐ - ഇഡി കേസുകളില്ലെന്നും, പ്രധാനമന്ത്രി അവരെ 'സ്വന്തം ആളുകളായാണ് കാണുന്നതെന്നും രാഹുൽ പറഞ്ഞിരുന്നു. ഈ വർഷം അവസാനമാണ് തെലങ്കാന നിയമസഭയിലേക്കുള്ള തെരഞ്ഞെടുപ്പ്. ഭരണകക്ഷിയായ ബിആർഎസ് ഇതിനോടകം തന്നെ സ്ഥാനാർഥികളെ പ്രഖ്യാപിച്ചിട്ടുണ്ട്.
കോൺഗ്രസും സംസ്ഥാനത്ത് തെരഞ്ഞെടുപ്പ് പ്രവർത്തനങ്ങൾ ആരംഭിച്ചു കഴിഞ്ഞു. അധികാരത്തിലെത്തിയാൽ നടപ്പാക്കാനുള്ള 'ആറ് ഉറപ്പുകൾ' അടങ്ങിയ വാഗ്ദാനമാണ് കോണ്‍ഗ്രസ് മുന്നോട്ടുവച്ചത്.
നേരത്തെ തെലങ്കാനയിൽ കോൺഗ്രസ് ബിജെപി, ബിആർഎസ്, എഐഎംഐഎം പാർട്ടികളെ ഒരുമിച്ചാണ് നേരിടുന്നതെന്ന രാഹുൽ പറഞ്ഞിരുന്നു. ഇതിനു പിന്നാലെയാണ് ഉവൈസിയുടെ വെല്ലുവിളി. തെലങ്കാനയിലെ തുക്കുഗുഡയിലെ വിജയഭേരി സഭയിലായിരുന്നു രാഹുൽ ഗാന്ധിയുടെ വാക്കുകൾ. അവർ വ്യത്യസ്ത പാർട്ടികളാണെന്ന് പറയുന്നതെങ്കിലും പ്രവർത്തിക്കുന്നത് ഒരുപോലെയാണെന്ന് രാഹുൽ വിമർശിച്ചിരുന്നു. ഇതിനെതിരെയാണ് ഉവൈസി രംഗത്തെത്തിയത്.
തെലങ്കാന മുഖ്യമന്ത്രി ചന്ദ്രശേഖർ റാവുവിനോ ഉവൈസിക്കോ നേരേ സിബിഐ - ഇഡി കേസുകളില്ലെന്നും, പ്രധാനമന്ത്രി അവരെ 'സ്വന്തം ആളുകളായാണ് കാണുന്നതെന്നും രാഹുൽ പറഞ്ഞിരുന്നു. ഈ വർഷം അവസാനമാണ് തെലങ്കാന നിയമസഭയിലേക്കുള്ള തെരഞ്ഞെടുപ്പ്. ഭരണകക്ഷിയായ ബിആർഎസ് ഇതിനോടകം തന്നെ സ്ഥാനാർഥികളെ പ്രഖ്യാപിച്ചിട്ടുണ്ട്.
കോൺഗ്രസും സംസ്ഥാനത്ത് തെരഞ്ഞെടുപ്പ് പ്രവർത്തനങ്ങൾ ആരംഭിച്ചു കഴിഞ്ഞു. അധികാരത്തിലെത്തിയാൽ നടപ്പാക്കാനുള്ള 'ആറ് ഉറപ്പുകൾ' അടങ്ങിയ വാഗ്ദാനമാണ് കോണ്‍ഗ്രസ് മുന്നോട്ടുവച്ചത്.