ന്യൂഡല്ഹി: വിമാന യാത്രക്കിടെ യാത്രക്കാരന് സഹയാത്രികയുടെ ദേഹത്ത് മൂത്രമൊഴിച്ച സംഭവത്തില് കര്ശന നടപടിയുമായി ഡിജിസിഎ. എയര് ഇന്ത്യയ്ക്ക് 30 ലക്ഷം രൂപ പിഴയിട്ടു. പൈലറ്റ്- ഇന് ചാര്ജിന്റെ ലൈസന്സ് 3 മാസത്തേയ്ക്ക് സസ്പെന്ഡ് ചെയ്യാനും ഡയറക്ടര് ജറല് ഓഫ് സിവില് ഏവിയേഷന് ഉത്തരവിട്ടു. ഇതുകൂടാതെ എയര് ഇന്ത്യയുടെ ഫ്ലൈറ്റ് സര്വീസസ് ഡയറക്ടര്ക്ക് 3 ലക്ഷം പിഴയും ചുമത്തിയിട്ടുണ്ട്.
നവംബര് 26ന് ന്യൂയോര്ക്കില് നിന്നും ഡല്ഹിയിലേക്ക് വരികയായിരുന്ന വിമാനത്തിലാണ് സംഭവം ഉണ്ടായത്. ഭക്ഷണത്തിന് ശേഷം വിമാനത്തിലെ ലൈറ്റുകള് അണച്ചപ്പോള് സഹയാത്രികയുടെ സമീപമെത്തിയ ശങ്കര് മിശ്ര മൂത്രമൊഴിക്കുകയായിരുന്നു. യാത്രക്കാരിയുടെ വസ്ത്രവും ബാഗും മൂത്രത്തില് നനയുകയും ചെയ്തു. എന്നാല് സംഭവം ഒത്തതീര്പ്പാക്കാന് വിമാനജീവനക്കാര് ശ്രമിച്ചെന്ന് യാത്രക്കാരി ആരോപിച്ചു. സംഭവത്തില് അടിയന്തര നടപടി സ്വീകരിക്കാത്തതിന് എയര് ഇന്ത്യയ്ക്കെതിരെ വ്യാപകമായ വിമര്ശനങ്ങള് ഉയര്ന്നിരുന്നു.
Read Latest National News and Malayalam News