ഇറാനില്‍ നിന്നുള്ള രണ്ടാമത്തെ ബാച്ചും തിരികെ എത്തി։ ഇവ‍ർ പരിശോധനയ്ക്ക് ആശുപത്രിയില്‍

മുംബൈ։ ഇറാനില്‍ കുടുങ്ങിക്കിടന്ന 44 ഇന്ത്യാക്കാരുമായി എയര്‍ ഇന്ത്യാ വിമാനം മുംബൈയിലെത്തി. രണ്ടാമത്തെ ബാച്ചാണ് ഇത്തരത്തില്‍ ഇന്ത്യയില്‍ തിരികെ എത്തിയത്. വിദേശകാര്യമന്ത്രി എ. ജയശങ്കര്‍ ഇത് സംബന്ധിച്ച് ട്വീറ്റ് ചെയ്തു.

Also Read : ഇറാനില്‍ നിന്ന് ഇന്ത്യക്കാരുമായി എയര്‍ ഇന്ത്യയുടെ വിമാനം മുംബൈയിലെത്തി

"ഇറാനില്‍ കുടുങ്ങിയ 44 പേരടങ്ങുന്ന ഇന്ത്യന്‍ തീര്‍ത്ഥാടക സംഘം ഇന്ന് ഇന്ത്യയില്‍ തിരികെ എത്തി. അവിടെ കുടുങ്ങികിടക്കുന്ന മറ്റുള്ളവരെ രക്ഷിക്കുന്നതിനുള്ള ശ്രമങ്ങള്‍ ഊര്‍ജിതമായി നടക്കുന്നു. ഇന്ത്യയില്‍ നിന്നും പോയിരിക്കുന്ന മെഡിക്കല്‍ സംഘവും മികച്ച പ്രവര്‍ത്തനമാണ് കാണിക്കുന്നത്. ഇറാനിയന്‍ അധികാരികളും അവരുടെ എയര്‍ലൈനും മികച്ച പ്രവര്‍ത്തനമാണ് നടക്കുന്നത്." എന്നും അദ്ദേഹം ട്വിറ്റ് ചെയ്തു.



Also Read : 'എംഎൽഎമാരെ മോചിപ്പിക്കണം, ചിലർ മടങ്ങിയെത്തും'; കമൽനാഥ് ഗവർണറെ കണ്ടു

ഇന്ത്യയില്‍ തിരികെ എത്തിയ 44 പേരെയും വിദഗ്ദ്ധ പരിശോധനയ്ക്ക് വേണ്ടി മുംബൈയിലെ രാജാവാഡി ആശുപത്രിയില്‍ പ്രവേശിപ്പിച്ചിരിക്കുകയാണ്. ഇവര്‍ക്ക് കൊവിഡ് 19 വൈറസ് ബാധയുണ്ടോ എന്ന് പരിശോധിക്കുന്നതിനാണ് ഇത്തരത്തില്‍ ആശുപത്രിയില്‍ പ്രവേശിപ്പിച്ചിരിക്കുന്നത്. എന്ന് ബ്രിഹാന്‍ മുംബൈ മുന്‍സിപ്പല്‍ കോര്‍പ്പറേഷന്‍ വ്യക്തമാക്കി.