മലിനവായു ശ്വസിച്ച് ഇന്ത്യയിൽ 12 ലക്ഷം പേർ മരിക്കുന്നു

ന്യൂഡൽഹി: ഇന്ത്യയിൽ അന്തരീക്ഷ മലിനീകരണം മൂലം മരിക്കുന്നവരുടെ എണ്ണം 12 ലക്ഷമാണെന്ന് ഗ്രീൻപീസ് പഠനം വ്യക്തമാക്കുന്നു. 168 നഗരങ്ങൾ ഗ്രീൻപീസ് സംഘടന പഠനവിധേയമാക്കിയെങ്കിലും ഒന്ന് പോലും ലോകാരോഗ്യ സംഘടന മുന്നോട്ടു വെക്കുന്ന വായു ഗുണമേന്മ മാനദണ്ഡത്തിന് കീഴിൽ വരുന്നില്ലെന്ന് ഗ്രീൻപീസ് വക്താക്കൾ വ്യക്തമാക്കി.

ഇന്ത്യയുടെ തലസ്ഥാനമായ ഡൽഹിയാണ് മലിനീകരണം ഏറ്റവും കൂടുതൽ നേരിടുന്ന നഗരം. പുകവലിക്ക് സമാനമായ മലിനമായ വായു ശ്വസിക്കുന്നത് കൊണ്ടാണ് 12 ലക്ഷത്തോളം പേർ പ്രതിവർഷം മരിക്കുന്നതെന്ന് പഠനം വ്യക്തമാക്കുന്നു. ഗാസിയാബാദ്,അലഹബാദ്,ബറേലി,ഫരീദാബാദ്,ആൾവാർ,ജാരിയ,റാഞ്ചി,കാൺപൂർ,പാറ്റ്‌ന തുടങ്ങിയ നഗരങ്ങളാണ് ഡൽഹിക്ക് തൊട്ടു പിന്നിൽ നിൽക്കുന്നത്.

Air pollution kills 12 lakhs people in India

Greenpeace studied on 168 cities in India and none has met the air quality standards of WHO.