രവീന്ദ്ര ഗെയ്ക്ക്വാദിന് വിലക്കേര്‍പ്പെടുത്തി വിമാനക്കമ്പനികൾ

ന്യൂഡൽഹി: എയർഇന്ത്യ വിമാനത്തിലെ ഡ്യൂട്ടി മാനേജരെ ചെരിപ്പൂരി കരണത്തടിച്ച ശിവസേന എംപി രവീന്ദ്ര ഗെയ്ക്ക്വാദിനെ വിമാനത്തിൽ കയറ്റില്ലെന്നു വ്യക്തമാക്കി വിമാനക്കമ്പനികൾ. ഗെയ്ക്ക്വാദിനെ വിമാനത്തിൽ കയറ്റില്ലെന്ന് പ്രഖ്യാപിച്ച എയർഇന്ത്യയ്ക്ക് പിന്നാലെയാണ് കൂടുതൽ സ്വകാര്യ വിമാന കമ്പനികളും എപിക്ക് വിലക്കേർപ്പെടുത്തിയത്.

ജെറ്റ് എയർവേസ്, സ്‌പൈസ് ജെറ്റ്, ഇൻഡിഗോ, ഗോ എയർ തുടങ്ങിയ വിമാനക്കമ്പനിളാണ് രവീന്ദ്ര ഗെയ്ക്ക്വാദിന് വിലക്കേര്‍പ്പെടുത്തിയത്. ഇവർ അംഗങ്ങളായ 'ഫെഡറേഷൻ ഓഫ് ഇന്ത്യൻ എയർലൈൻസാ'ണ് എംപിക്ക് യാത്രാവിലക്കേർപ്പെടുത്തിയത്.
അക്രമത്തിനുശേഷം, എയർ ഇന്ത്യ വിമാനത്തിൽ രാജ്യത്തിനകത്തും, വിദേശത്തേക്കും സഞ്ചരിക്കാൻ എംപിക്ക് വിലക്കേർപ്പെടുത്തിയിരുന്നു. എന്നാൽ, വിമാനയാത്രയിൽനിന്നു തന്നെ തടയാൻ ആർക്കുമാകില്ലെന്ന് രവീന്ദ്ര ഗെയ്ക്ക്വാദ് പ്രതികരിച്ചു.

Airlines Ban Sena MP Ravindra Gaikwad

An association of airlines has decided that Ravindra Gaikwad, a Shiv Sena MP who assaulted a staff member of Air India, will not be allowed on flights a statement said.