പാകിസ്ഥാനിലൂടെയുള്ള ആകാശ യാത്ര വേണ്ടെന്ന് വിമാന കമ്പനികള്‍

ന്യൂഡൽഹി: പാകിസ്ഥാന് മുകളിലൂടെയുള്ള ആകാശ യാത്ര ഒഴിവാക്കാൻ അനുമതി തേടി വിമാന കമ്പനികളുടെ അപേക്ഷ.എയര്‍ ഇന്ത്യ, ജെറ്റ് എയര്‍വേസ്, ഇന്‍ഡിഗോ, സ്പൈസ് ജെറ്റ് തുടങ്ങിയ കമ്പനികളാണ് അപേക്ഷയുമായി കേന്ദ്ര സർക്കാരിനെ സമീപിച്ചത്.

അഹമ്മദാബാദിൽ നിന്നും ഗൾഫ് രാജ്യങ്ങളിലേക്ക് പോകുന്ന വിമാനങ്ങളാണ് പാകിസ്ഥാന് മുകളിലൂടെ പോകുന്നത്. പാകിസ്ഥാന് മുകളിലൂടെയുള്ള യാത്ര തങ്ങള്‍ക്ക് വൻ സാമ്പത്തിക നഷ്ട്ടം ഉണ്ടാക്കുന്നുവെന്നാണ് വിമാന കമ്പനികൾ പറയുന്നത്. ഇന്ത്യ-പാകിസ്ഥാൻ ബന്ധം വഷളായ സാഹചര്യവും വിമാന കമ്പനികൾ ചൂണ്ടികാണിക്കുന്നുണ്ട്.

പാകിസ്ഥാന് മുകളിലൂടെയുള്ള വ്യോമ പാതക്ക് പകരം വ്യോമസേനയും നാവികസേയും ഉപയോഗിക്കുന്ന പാതയില്‍ കൂടി സര്‍വ്വീസ് നടത്താന്‍ അനുവദിക്കണമെന്നാണ് വിമാനക്കമ്പനികളുടെ ആവശ്യം. എന്നാൽ വിഷയത്തിൽ പ്രതിരോധ മന്ത്രാലയം തീരുമാനം എടുത്തിട്ടില്ല.