ബോഡിങ് പാസ് വേണ്ട, ആധാർ ഉണ്ടെങ്കിൽ വിമാനയാത്ര എളുപ്പമാക്കാം

ആധാർ നമ്പർ രേഖപ്പെടുത്തി വിരലടയാളം പതിപ്പിച്ചാൽ മതിയാകം ഇനി വിമാനത്താവളത്തിലും വിമാനത്തിലും പ്രവേശനം എളുപ്പമാക്കാം. വ്യോമയാന മന്ത്രാലയത്തിന്‍റെ ഡിജിയാത്ര പദ്ധതിയുടെ ഭാഗമായിട്ടാണ് ഈ സംവിധാനം നിലവിൽ വരുന്നത്. ആധാർ നമ്പർ കൈയിൽ കരുതിയാൽ മതി ബോഡിങ് പാസ് ഇല്ലാതെ തന്നെ വിമാനത്തിലേക്കുള്ള പ്രവേശനം നേടാം. മൂന്നു മാസത്തിനുള്ളിൽ ഈ പദ്ധതി നടപ്പിലാക്കുന്നതായിരിക്കും.

ആഭ്യന്തര വിമാനയാത്ര ടിക്കറ്റ് എടുക്കാൻ ആധാർ, പാൻ, പാസ്പോർട്ട് തുടങ്ങിയ തിരിച്ചറിയൽ രേഖകളും നിർബന്ധമാക്കും. കൂടാതെ പിഎൻആർ നമ്പറിനൊപ്പം തിരിച്ചറിയൽ രേഖകളുടെ നമ്പറും രേഖപ്പെടുത്തേണ്ടതായി വരും. കേന്ദ്ര വ്യോമയാന സഹമന്ത്രി ജയന്ത് സിൻഹയാണ് ഇക്കാര്യങ്ങൾ വ്യക്തമാക്കിയത്. ആധാർ ഉള്ളവർക്ക് വിരലടയാളം പതിപ്പിച്ച് വിമാനത്തിലേക്കുള്ള പ്രവേശനം നേടാം.

മറ്റു തിരിച്ചറിയൽ രേഖകൾ നൽകിയവർക്ക് ഫോണിൽ ലഭിക്കുന്ന ക്യുആർ കോഡ് സ്കാൻ ചെയ്ത് പ്രവേശനം നേടാവുന്നതാണ്. ലഗേജുകൾ സ്വയം കയറ്റിവിടാനുള്ള അവസരം എല്ലാ വിമാനത്താവളത്തിലും ഏർപ്പെടുത്തും.

Airports to roll out Aadhaar-enabled entry

To make passenger entry easier at airports across India, the civil aviation ministry is rolling out Aadhar-enabled entry in all the airports across the country.