ശബരിമലയിലെ അഹിന്ദുകളുടെ പ്രവേശനം വിലക്കാന്‍ പുതിയ നീക്കം

ന്യൂഡല്‍ഹി: ശബരിമലയിലെ അഹിന്ദുക്കളുടെ പ്രവേശനം തടയുന്നതിനായി ഹിന്ദു സംഘടനകളുടെ പുതിയ നീക്കം. ശബരിമലയിലേക്ക് അഹിന്ദുക്കളെ പ്രവേശിപ്പിക്കരുതെന്നാവശ്യപ്പെട്ട് അഖില ഭാരതീയ അയ്യപ്പ പ്രചാര സഭയാണ് സുപ്രീം കോടതിയെ സമീപിച്ചിരിക്കുന്നത്. അഹിന്ദുക്കൾ ആയവരെ ശബരിമലയിലേക്ക് കൊണ്ടുപോകുന്ന ഉദ്യോഗസ്ഥർക്കെതിരെ കോടതി നടപടി സ്വീകരിക്കണമെന്നും ഇവര്‍ ആവശ്യപ്പെടുന്നു.

അഹിന്ദുക്കളുടെ ശബരിമല പ്രവേശനം നിരോധിക്കണമെന്നാണ് അഖില ഭാരതീയ അയ്യപ്പ പ്രചാര സഭയുടെ ആവശ്യം.1965 ലെ ഹിന്ദു ക്ഷേത്ര പ്രവേശന ചട്ടത്തിലെ 3 (എ) വകുപ്പ് പ്രകാരം ശബരിമലയിൽ അഹിന്ദുക്കൾ പ്രവേശിക്കുന്നത് വിലക്കണമെന്ന് ഇവര്‍ ആവശ്യപ്പെടുന്നു. മതസൗഹാർദ്ദം തകർക്കുന്ന നടപടികൾ സ്വീകരിക്കരുതെന്ന് സംസ്ഥാന സർക്കാരിന് നിര്‍ദ്ദേശം നൽകണമെന്നും സംഘടന ആവശ്യപ്പെടും.