ഗുജറാത്തിലെ സ്‍കൂളുകളില്‍ അഖിലേഷ് യാദവിന്‍റെ ചിത്രമുള്ള ബാഗ്

ഗാന്ധിനഗര്‍: ഗുജറാത്തിലെ സ്‍കൂളുകളില്‍ നടത്തിയ് പ്രവേശനോത്സവത്തില്‍ വിതരണം ചെയ്‍തത് മുന്‍ ഉത്തര്‍പ്രദേശഅ മുഖ്യമന്ത്രി അഖിലേഷ് യാദവിന്‍െറ ചിത്രമുള്ള സ്‍കൂള്‍ ബാഗ്. ഛോട്ടാ ഉദേ‍പൂര്‍ ജില്ലാ പഞ്ചായത്ത് അധികൃതരുടെ നേത‍ൃത്വത്തില്‍ സന്‍ഖേത ആദിവാസി ഗ്രാമത്തിലെ സ്‍കൂളുകളില്‍ വിതരണം ചെയ്‍ത ബാഗുകളിലാണ് അഖിലേഷിന്‍റെ ചിത്രം.

ഇത്തരം 12000ത്തോളം ബാഗുകളാണ് പ്രവേശനോത്സവത്തില്‍ വിതരണം ചെയ്‍തത്. അഖിലേഷിന്‍റെ ചിത്രത്തോടൊപ്പം യുപി സര്‍ക്കാരിന്‍റെ സന്ദേശവും ബാഗില്‍ ഉണ്ടായിരുന്നു.

സൂറത്തിലുള്ള ചോട്ടാല എന്ന സ്ഥാപനമാണ് ബാഗുകള്‍ നല്‍കിയതെന്നും ഗുജറാത്ത് വിദ്യാഭ്യാസ ബോര്‍ഡിന്‍റെ സ്റ്റിക്കറുകള്‍ ബാഗില്‍ പതിക്കാനായി അവര്‍ക്ക് നല്‍കിയിരുന്നെന്നും അധികൃതര്‍ പറഞ്ഞു. എന്നാല്‍ കിട്ടിയത് അഖിലേഷ് യാദവിന്‍റെ ചിത്രവും യുപി സര്‍ക്കാരിന്‍റെ സന്ദേശവുമുള്ള ബാഗാണ്. എന്നാല്‍ 12000 ബാഗുകളില്‍ അഞ്ച് ശതമാനം എണ്ണത്തില്‍ മാത്രമേ തെറ്റായ ചിത്രമുള്ളു എന്നാണ് അധികൃതരുടെ നിലപാട്.

സൂറത്തിലെ ഇതേ സ്ഥാപനമാകാം യുപി സര്‍ക്കാരിനും ബാഗുകള്‍ വിതരണം ചെയ്യുന്നതെന്നും അതിനാലാകാം മാറിപ്പോയതെന്നും അധികൃതര്‍ പറഞ്ഞു. സംഭവത്തെക്കുറിച്ച് വിശദമായി അന്വേഷിച്ച് നടപടിയെടുക്കുമെന്ന് വിദ്യാഭ്യാസ പ്രിന്‍സിപ്പല്‍ സെക്രട്ടറി സുനൈന തോമസ് പറഞ്ഞു.

Akhilesh Yadav photo on Gujarat govt school bags distributed in enrollment drive

A recent Gujarat government led school enrollment drive 'Shala Pravesh Utsav' tossed a surprise at officials after many of the 12,000 bags that were distributed to school children carried former Uttar Pradesh chief minister Akhilesh Yadav's image.