'അലിഗഢ് സ‍വ്വകലാശാലയിലെ വിമാനം OLXൽ വിൽപ്പനയ്ക്ക്'

അലിഗഢ്: അലിഗഢ് മുസ്ലിം സർവ്വകലാശാലയിൽ സ്ഥാപിച്ച ഇന്ത്യൻ എയർ ഫോഴ്സിന്റെ വിമാനം ഒഎൽഎക്സിൽ വിൽപ്പനയ്ക്ക്. ഒമ്പത് കോടി രൂപയ്ക്കാണ് വിൽപ്പനയ്ക്കു വെച്ചിരിക്കുന്നത്. സർവ്വകലാശാലയ്ക്ക് ഇതുമായി ബന്ധമില്ലെന്നാണ് അധികൃതരുടെ വിശദീകരണം. കാമ്പസിനെ താറടിച്ചു കാണിക്കുന്നതിന് ആരോ ഒപ്പിച്ച പണിയാണിതെന്നുമാണ് അധികൃതർ വ്യക്തമാക്കിയിരിക്കുന്നത്.

Also Read: മണിക്കൂറുകളോളം നിലയ്ക്കാത്ത മഴ; മുംബൈയിൽ വെള്ളപ്പൊക്കം


"വിമാനം വിൽപ്പനയ്ക്കു വെച്ച സംഭവവുമായി തങ്ങൾക്ക് ബന്ധമില്ല. സർവ്വകലാശാലയുടെ കീഴിലുള്ള ഒരു വസ്തുവും ലേലത്തിൽ വെച്ചിട്ടില്ല. സർവ്വകലാശാലയെ താറടിച്ചുകാണിക്കാനുള്ള ശ്രമത്തിന്റെ ഭാഗമാണിത്." സർവ്വകലാശാലയുടെ പ്രോക്ടറായ മുഹമ്മദ് വസിം അലി പറഞ്ഞു.

Also Read: കുടുംബത്തിലെ രണ്ട് പേർക്ക് കൊവിഡ്; ത്രിപുര മുഖ്യമന്ത്രി സ്വയം നിരീക്ഷണത്തിൽ

ആഗസ്റ്റ് മൂന്നിനാണ് സർവ്വകലാശാലയിൽ സ്ഥാപിച്ചിരിക്കുന്ന ഇന്ത്യൻ എയർഫോഴ്സ് വിമാനം 999,99,999 രൂപയ്ക്ക് വിൽപ്പനയ്ക്കുവെച്ചിരിക്കുന്നത്. സംഭവം വിവാദമായതിനെത്തുടർന്ന് പോലസ്റ്റ് ഒൽഎക്സിൽ നിന്നും നീക്കം ചെയ്തിട്ടുണ്ട്.