കേന്ദ്രം ആവശ്യങ്ങള്‍ അംഗീകരിച്ചു; ലോറി സമരം പിന്‍വലിച്ചു

ഡല്‍ഹി: രാജ്യവ്യാപകമായി ഒരാഴ്ചയായി തുടരുന്ന ചരക്ക് ലോറി സമരം പിന്‍വലിച്ചു. കേന്ദ്രം സമരക്കാരുടെ ആവശ്യം അംഗീകരിച്ചതിന്‍റെ അടിസ്ഥാനത്തിലാണ് സമരം പിന്‍വലിച്ചത്. കേന്ദ്ര മന്ത്രി പീയുഷ് ഗോയലുമായി നടത്തിയ ചര്‍ച്ചയ്ക്ക് പിന്നാലെയാണ് സമരം പിന്‍വലിക്കാന്‍ ലോറിയുടമകള്‍ തയ്യാറായത്.

ഡീസല്‍ വിലവര്‍ദ്ധന, തേഡ് പാര്‍ട്ടി ഇന്‍ഷുറന്‍സ് പ്രീമിയം വര്‍ദ്ധന, അശാസ്ത്രീയ ടോള്‍ പിരിവ് എന്നിവയ്ക്കെതിരെയാണ് ആള്‍ ഇന്ത്യ ‍മോട്ടോര്‍ ട്രാന്‍സ്പോര്‍ട്ട് കോണ്‍ഗ്രസിന്‍റെ നേതൃത്വത്തിൽ സമരം നടന്നത്.

എട്ടു ദിവസമായി നീളുന്ന സമരത്തെ തുടര്‍ന്ന് പച്ചക്കറിയ്‌ക്ക് വില കുത്തനെ കൂടിയിട്ടുണ്ട്. ഇതര സംസ്ഥാനങ്ങളില്‍ നിന്ന് പച്ചക്കറി എത്തുന്നത് കുറഞ്ഞതിനെ തുടര്‍ന്നാണ് വിലക്കയറ്റം. ലോറിസമരം ജനജീവിതം ദുസഹമാക്കിയിരുന്നു.