15 വര്‍ഷത്തിന് ശേഷം അവിശ്വാസ പ്രമേയത്തിനൊരുങ്ങി ലോക്‌സഭ

ന്യൂഡൽഹി: മോദി സര്‍ക്കാറിനെതിരായി അവിശ്വാസ പ്രമേയത്തിനൊരുങ്ങി ടിഡിപി. അവിശ്വാസ പ്രമേയം പാര്‍ലമൻ്റിൽ എത്തുന്നതിന് മുമ്പായി അവസാനവട്ട ചര്‍ച്ചകളിലാണ് ഭരണപക്ഷവും പ്രതിപക്ഷവും.

15 വര്‍ഷം മുമ്പ് ഇതിന് മുമ്പ് 2003ലാണ് പാര്‍ലമെന്റില്‍ അവിശ്വാസ പ്രമേയം വന്നിട്ടുള്ളത്. അടല്‍ ബിഹാരി വാജ്‌പേയിയുടെ നേതൃത്വത്തിലുള്ള എന്‍ഡിഎ സര്‍ക്കാരിനെതിരേ ആയിരുന്നു അത്. കോണ്‍ഗ്രസായിരുന്നു അന്ന് പ്രമേയം കൊണ്ടുവന്നത്. ഇതിന് മുമ്പ് ലോക്സഭയില്‍ രണ്ട് തവണ അവിശ്വാസ പ്രമേയം കൊണ്ടുവന്നതും ബിജെപി സര്‍ക്കാരുകള്‍ക്കെതിരെ ആയിരുന്നു. പ്രമേയത്തിന്‍മേല്‍ വെള്ളിയാഴ്ച ചര്‍ച്ച നടക്കും. ശേഷം വോട്ടിനിടും. ഉടന്‍ ഫലവുമറിയാം.

നാലു വര്‍ഷമായ മോദി സര്‍ക്കാരിനെതിരേയുള്ള ആദ്യ അവിശ്വാസപ്രമേയമാണ് നാളെ അവതരിപ്പിക്കുന്നത്. ഇതിനുള്ള തെലുഗുദേശം പാര്‍ട്ടിയുടെ നോട്ടിസിനു സുമിത്രാ മഹാജന്‍ അനുമതി നല്‍കി. കോണ്‍ഗ്രസ്, സി.പി.എം., എന്‍.സി.പി., ടി.ഡി.പി. തുടങ്ങിയ പാര്‍ട്ടികളും അവിശ്വാസ പ്രമേയത്തിന് നോട്ടീസ് നല്‍കിയിരുന്നു. ലോക്സഭയില്‍ ഭൂരിപക്ഷമുള്ളതിനാല്‍ അവിശ്വാസ പ്രമേയം മറികടക്കാന്‍ കേന്ദ്ര സര്‍ക്കാറിന് ബുദ്ധിമുട്ടുണ്ടാകില്ല. അവിശ്വാസം വിജയിക്കണമെങ്കില്‍ 268 അംഗങ്ങള്‍ വോട്ടുചെയ്യണം എന്നിരിക്കെ 535 അംഗ അഭയില്‍ 313 പേരും എന്‍.ഡി.എ അംഗങ്ങളാണ്.