ഒരു പ്രദേശത്ത് പ്രതിഷേധങ്ങളുടെ രൂപം അക്രമത്തിലേക്ക് മാറുമ്പോൾ മാധ്യമ വാര്ത്തകളിൽ ഇടംപിടിക്കുന്ന രണ്ട് വാചകങ്ങളാണ് കര്ഫ്യൂവും നിരോധനാജ്ഞയും. കര്ഫ്യൂവും, നിരോധനാജ്ഞയും ഒന്നാണെന്ന ധാരണ ജനങ്ങൾക്കിടയിലുണ്ട്. എന്താണ് കര്ഫ്യൂവും, നിരോധനാജ്ഞയും? എന്തൊക്കെയാണ് ഇവ പ്രഖ്യാപിക്കുമ്പോൾ ഏര്പ്പെടുത്തുമ്പോൾ ഉണ്ടാകുന്ന നിയന്ത്രണങ്ങൾ? തുടങ്ങിയവ ചുവടെചേര്ക്കുന്നു.
കോഡ് ഓഫ് ക്രിമിനൽ പ്രോസീജ്യറിലെ (CrPC) സെക്ഷൻ 144 ആണ് നിരോധനാജ്ഞ. കലാപം, അക്രമാസക്തമായ പ്രതിഷേധം, കല്ലേറ് തുടങ്ങിയ സാഹചര്യങ്ങൾ ഒരു പ്രദേശത്ത് ഉണ്ടാകുകയാണെങ്കിൽ നിരോധനാജ്ഞ അല്ലെങ്കിൽ സെക്ഷൻ 144 പ്രഖ്യാപിക്കാം. പൊതുസ്ഥലത്ത് ജനങ്ങൾ സംഘടിക്കുന്നതാണ് ഈ നിയമത്തിലൂടെ ഒഴിവാക്കുന്നത്. നിരോധനാജ്ഞ പ്രഖ്യാപിക്കാൻ ജില്ലാ മജിസ്ട്രേറ്റിനാണ് അധികാരം.
Also Read:'പ്രതിഷേധിക്കുന്നത് കുറ്റകൃത്യമല്ല' കർണാടക സർക്കാരിനെതിരെ സിദ്ധരാമയ്യ
നിരോധനാജ്ഞ പ്രഖ്യാപിച്ച പ്രദേശത്ത് അഞ്ചോ, അതിൽ കൂടുതൽ ആളുകൾക്കോ സംഘം ചേരുന്നതിന് വിലക്കുണ്ട്. ഏതെങ്കിലും തരത്തിലുള്ള ആയുധങ്ങൾ പ്രദേശത്ത് കൊണ്ടുപോകുന്നതിനും നിയന്ത്രണം ഏർപ്പെടുത്തും. ഇവ ലംഘിക്കുന്നവരെ കലാപത്തിന് ആഹ്വാനം ചെയ്തു എന്ന കുറ്റം ചുമത്തി കസ്റ്റഡിയിൽ എടുക്കാൻ പോലീസിന് അധികാരമുണ്ട്. നിരോധനാജ്ഞ ലംഘിക്കുന്നവര്ക്ക് മൂന്ന് വര്ഷം വരെ ശിക്ഷ ലഭിച്ചേക്കാം. നിരോധനാജ്ഞ പ്രഖ്യാപിച്ച പ്രദേശങ്ങളിലെ മൊബൈൽ, ഇൻ്റര്നെറ്റ് സേവനങ്ങള് റദ്ദാക്കാനും ഉത്തരവാദിത്തപ്പെട്ടവർക്ക് അധികാരമുണ്ട്.
എന്താണ് കര്ഫ്യൂ?
ഏതെങ്കിലും പ്രദേശത്തെ സാഹചര്യങ്ങൾ സംഘര്ഷഭരിതമാകുമ്പോൾ പ്രഖ്യാപിക്കുന്ന മറ്റൊരു നടപടിയാണ് കര്ഫ്യൂ. ഈ പ്രദേശത്ത് താമസിക്കുന്ന ജനങ്ങള് വീടുകളിൽ തുടരണമെന്നാണ് നിയമം. അധികൃതരുടെ അനുമതി ഇല്ലാതെ വീടിന് പുറത്തേക്ക് പോകാൻ സാധിക്കുകയില്ല. വലിയ പ്രതിഷേധ പ്രക്ഷോഭങ്ങളെ കര്ഫ്യൂവിലൂടെ കൈകാര്യം ചെയ്യാൻ സാധിക്കും. പോലീസിൻ്റെ അനുമതി ഇല്ലാതെ ഒരു പരിപാടികളും കര്ഫ്യൂ സമയത്ത് നടത്താൻ പാടില്ല. മാര്ക്കറ്റുകള്, വിദ്യാഭ്യാസ സ്ഥാപനങ്ങള് അടച്ചുപൂട്ടണം. അത്യാവശ്യ സേവനങ്ങള്ക്ക് മാത്രമാണ് അനുമതി ഉള്ളത്. കര്ഫ്യൂ പ്രഖ്യാപിച്ചതിന് പിന്നാലെ ഗതാഗതത്തിന് പൂര്ണ നിയന്ത്രണം ഉണ്ടായിരിക്കും. അതേസമയം നിരോധനാജ്ഞ ദീര്ഘിപ്പിക്കുന്നതാണ് കര്ഫ്യൂ എന്ന് പറയാൻ സാധിക്കില്ല. പ്രദേശത്ത് സംഘര്ഷ സാധ്യത തുടരുകയാണെങ്കിൽ കര്ഫ്യൂ കാലാവധി നീട്ടാനും അധികാരമുണ്ട്.
Also Read: നേതൃത്വമില്ലാതെ കേരള സിപിഎം; രാഹുൽ ദക്ഷിണ കൊറിയയിൽ; രാജ്യം വിദ്യാർഥികളുടെ ചുമലിൽ
കര്ഫ്യൂ പ്രഖ്യാപിച്ച ശേഷമുള്ള നിയന്ത്രണങ്ങൾ
-പ്രതിഷേധങ്ങൾക്ക് നിരോധനം.
-പരീക്ഷകൾ, വിവാഹ ചടങ്ങുകൾ, ശവസംസ്കാരം, മതപരമായ ഉത്സവങ്ങൾ എന്നിവയ്ക്ക് തടസമില്ല.
-ഒരു തരത്തിലുമുള്ള ആയുധങ്ങള് കൈവശം വെച്ച് സഞ്ചരിക്കാൻ പാടില്ല.
-പടക്കങ്ങളുടെ വിൽപ്പന, ഉപയോഗം എന്നിവയ്ക്ക് നിരോധനം.
-സമൂഹത്തിന് സ്പര്ദ്ദ ഉണ്ടാക്കുന്ന പ്രസംഗങ്ങൾ, പരസ്യങ്ങൾ തുടങ്ങിയവയ്ക്ക് വിലക്ക്.
- മുൻകൂര് അനുമതി ഇല്ലാത്ത ഉച്ചഭാഷണികൾക്ക് നിരോധനം.
-അഞ്ചോ, അതിൽ കൂടുതലോ ആളുകള് സംഘം ചേരാൻ പാടില്ല.
Also Read: കസ്റ്റഡിയിലെടുത്ത മലയാള മാധ്യമപ്രവർത്തകരെ പോലീസ് കാസർകോട് അതിർത്തിയിലെത്തിച്ചു