കശ്മീരിലെ അനന്ത്‌നാഗില്‍ ഏറ്റുമുട്ടല്‍; ഒരു ഭീകരന്‍ കൊല്ലപ്പെട്ടു

ശ്രീനഗര്‍ : ജമ്മുകശ്മീരില്‍ അനന്ത്നാഗില്‍ സൈന്യവുമായുളള ഏറ്റുമുട്ടലില്‍ ഒരു ഭീകരന്‍ കൊല്ലപ്പെട്ടു. മറ്റൊരു ഭീകരനെ ജീവനോടെ പിടികൂടി. അനന്ത്‌നാഗിലെ ദൂരുവിലാണ് പൊലീസും തീവ്രവാദികളും തമ്മില്‍ ഏറ്റുമുട്ടലുണ്ടായത്.

ഇന്ന് പുലര്‍ച്ചെയോടെയാണ് ഏറ്റുമുട്ടല്‍ ആരംഭിച്ചത്. ഏറ്റുമുട്ടലിനൊടുവില്‍ ഒരു ഭീകരനെ വകവരുത്തുകയും മറ്റൊരാളെ അറസ്റ്റ് ചെയ്യുകയുമായിരുന്നു. ഇവരില്‍ നിന്ന് ആയുധങ്ങളും സ്ഫോടക വസ്തുക്കളും പിടിച്ചെടുത്തു

ഷോപ്പിയാനിലെ കച്ച്ദൂരയിലും സൈന്യവും ഭീകരരുമായി ഏറ്റുമുട്ടല്‍ നടന്നുകൊണ്ടിരിക്കുകയാണ്.