ഹൈദരാബാദ്: ബിജെപി വെബ്സൈറ്റ് തള്ളുടെ വെബ് ഡിസൈൻ മോഷ്ടിച്ചെന്ന പരാതിയുമായി ഹൈദരാബാദ് ആസ്ഥാനമായി പ്രവര്ത്തിക്കുന്ന സ്റ്റാര്ട്ടപ്പ് കമ്പനി. അടുത്തിടെ ഹാക്ക് ചെയ്യപ്പെട്ട ബിജെപി വെബ്സൈറ്റ് തിരിച്ചു വന്നപ്പോള് സൈറ്റിൽ കൊടുത്തിരിക്കുന്ന ഡിസൈൻ തങ്ങള് തയ്യാറാക്കിയതാണെന്നും ഇതിന് കടപ്പാട് വെച്ചിട്ടില്ലെന്നുമാണ് ആന്ധ്രാ പ്രദേശിൽ പ്രവര്ത്തിക്കുന്ന സ്റ്റാര്ട്ടപ്പിൻ്റെ പരാതി. രണ്ടാഴ്ച മുൻപ് ഹാക്ക് ചെയ്യപ്പെട്ട ബിജെപി വെബ്സൈറ്റ് ദിവസങ്ങള്ക്ക് ശേഷമായിരുന്നു തിരിച്ചെത്തിയത്. സൈറ്റിൻ്റെ അറ്റകുറ്റപ്പണികള് നടക്കുകയാണെന്നായിരുന്നു സൈറ്റ് തുറക്കുമ്പോള് കാണിച്ചിരുന്നത്. എന്നാൽ തകരാറുകള് പരിഹരിച്ച് തിരിച്ചെത്തിയ സൈറ്റിൽ ഒരു പേജ് മാത്രമാണ് ഉള്ളത്. ഈ പേജിൻ്റെ ഡിസൈനായി ഉപയോഗിച്ചിരിക്കുന്നത് തങ്ങളുടെ ഡിസൈനാണെന്നും ഇതിന് കടപ്പാട് വെച്ചിട്ടില്ലെന്നും സ്റ്റാര്ട്ടപ്പ് ആരോപിച്ചു.
ആന്ധ്രാ പ്രദേശിലെ നെല്ലൂരിൽ പ്രവര്ത്തിക്കുന്ന ഡബ്ല്യൂ 3 ലേ ഔട്ട് എന്ന കമ്പനിയാണ് ആരോപണവുമായി രംഗത്തെത്തിയത്. ഇവര് ഡിസൈൻ ചെയ്ത പീക്ക് എന്ന പേരിലുള്ള ലാൻഡിങ് പേജ് ബൂട്ട്സ്ട്രാപ്പ് റെസ്പോൺസീവ് വെബ് ടെംപ്ലേറ്റ് ആണ് ബിജെപി തങ്ങളുടെ വെബ്സൈറ്റിൽ ഉപയോഗിച്ചിരിക്കുന്നത്.
തങ്ങള് തയ്യാറാക്കിയ ഡിസൈൻ സൗജന്യമായി ഉപയോഗിക്കാൻ തയ്യാറാക്കിയതാണെന്നും എന്നാൽ പേജിൻ്റെ അവസാനം ഈ ടെപ്ലേറ്ര് ഡിസൈൻ ചെയ്ത ഡബ്ലൂ3 ലേഔട്ടിൻ്റെ വിവരങ്ങള് ഉള്പ്പെടുന്ന ബാക്ക് ലിങ്ക് നല്കിയിരുന്നുവെന്നും എന്നാൽ ഈ ലിങ്ക് നീക്കം ചെയ്യാതെയാണ് ബിജെപി ടെംപ്ലേറ്റ് ഉപയോഗിച്ചതെന്നുമാണ് ആരോപണം.
തങ്ങളുടെ പരാതി കമ്പനി ട്വിറ്റര് വഴി ബിജെപിയെ അറിയിച്ചിട്ടുണ്ട്.
'designed by w3layouts' എന്ന ഭാഗം നീക്കം ചെയ്യുന്നതിന് മുൻപായി https://w3layouts.com/license/ എന്ന ലിങ്കിൽ നൽകിയിരിക്കുന്ന നിബന്ധനകള് വായിക്കണമെന്ന് ബിജെപി വെബ്സൈറ്റ് ടീമിന് നിര്ദ്ദേശിക്കണമെന്നും ഐടി ടീമിൻ്റെ ഇമെയില് അഡ്രസ് നല്കണമെന്നുമാണ് ഡബ്ല്യൂ 3 ലേ ഔട്ട് ബിജെപിയെ ടാഗ് ചെയ്തിരിക്കുന്ന ട്വീറ്റില് ആവശ്യപ്പെട്ടിരിക്കുന്നത്. വെബ്സൈറ്റില് ഇപ്പോഴും ഉപയോഗിച്ചിരിക്കുന്നത് തങ്ങളുടെ വെബ് പേജാണെന്നും ഡബ്ല്യൂ3 ലേഔട്ട് ചൂണ്ടിക്കാട്ടി.
ഇതേ പ്രശ്നം സൈബര് സുരക്ഷാ ലേഖകനായ ഏലിയറ്റ് ആൻഡേഴ്സണും ട്വീറ്റ് ചെയ്തിട്ടുണ്ട്. അതേസമയം, ആരോപണങ്ങളോട് ബിജെപി പ്രതികരിച്ചിട്ടില്ല.
ആന്ധ്രാ പ്രദേശിലെ നെല്ലൂരിൽ പ്രവര്ത്തിക്കുന്ന ഡബ്ല്യൂ 3 ലേ ഔട്ട് എന്ന കമ്പനിയാണ് ആരോപണവുമായി രംഗത്തെത്തിയത്. ഇവര് ഡിസൈൻ ചെയ്ത പീക്ക് എന്ന പേരിലുള്ള ലാൻഡിങ് പേജ് ബൂട്ട്സ്ട്രാപ്പ് റെസ്പോൺസീവ് വെബ് ടെംപ്ലേറ്റ് ആണ് ബിജെപി തങ്ങളുടെ വെബ്സൈറ്റിൽ ഉപയോഗിച്ചിരിക്കുന്നത്.
തങ്ങള് തയ്യാറാക്കിയ ഡിസൈൻ സൗജന്യമായി ഉപയോഗിക്കാൻ തയ്യാറാക്കിയതാണെന്നും എന്നാൽ പേജിൻ്റെ അവസാനം ഈ ടെപ്ലേറ്ര് ഡിസൈൻ ചെയ്ത ഡബ്ലൂ3 ലേഔട്ടിൻ്റെ വിവരങ്ങള് ഉള്പ്പെടുന്ന ബാക്ക് ലിങ്ക് നല്കിയിരുന്നുവെന്നും എന്നാൽ ഈ ലിങ്ക് നീക്കം ചെയ്യാതെയാണ് ബിജെപി ടെംപ്ലേറ്റ് ഉപയോഗിച്ചതെന്നുമാണ് ആരോപണം.
തങ്ങളുടെ പരാതി കമ്പനി ട്വിറ്റര് വഴി ബിജെപിയെ അറിയിച്ചിട്ടുണ്ട്.
'designed by w3layouts' എന്ന ഭാഗം നീക്കം ചെയ്യുന്നതിന് മുൻപായി https://w3layouts.com/license/ എന്ന ലിങ്കിൽ നൽകിയിരിക്കുന്ന നിബന്ധനകള് വായിക്കണമെന്ന് ബിജെപി വെബ്സൈറ്റ് ടീമിന് നിര്ദ്ദേശിക്കണമെന്നും ഐടി ടീമിൻ്റെ ഇമെയില് അഡ്രസ് നല്കണമെന്നുമാണ് ഡബ്ല്യൂ 3 ലേ ഔട്ട് ബിജെപിയെ ടാഗ് ചെയ്തിരിക്കുന്ന ട്വീറ്റില് ആവശ്യപ്പെട്ടിരിക്കുന്നത്. വെബ്സൈറ്റില് ഇപ്പോഴും ഉപയോഗിച്ചിരിക്കുന്നത് തങ്ങളുടെ വെബ് പേജാണെന്നും ഡബ്ല്യൂ3 ലേഔട്ട് ചൂണ്ടിക്കാട്ടി.
ഇതേ പ്രശ്നം സൈബര് സുരക്ഷാ ലേഖകനായ ഏലിയറ്റ് ആൻഡേഴ്സണും ട്വീറ്റ് ചെയ്തിട്ടുണ്ട്. അതേസമയം, ആരോപണങ്ങളോട് ബിജെപി പ്രതികരിച്ചിട്ടില്ല.