കൊൽക്കത്ത: പഞ്ചിമ ബംഗാളിൽനിന്നും തൃണമൂൽനിന്നും കാവി കൂടാരത്തിലേക്കുള്ള ചേക്കേറൽ തുടരുന്നു. തൃണമൂലിന്റെ ലബ്പുർ എംഎൽഎ മനിറുൾ ഇസ്ലാമാണ് ബുധനാഴ്ച ബിജെപിയിൽ അംഗത്വമെടുത്തത്. എംഎൽഎക്കൊപ്പം ഹാജിറാസ് മുഹമ്മദ്, ആസിഫ് ഇഖ്ബാൽ, നിവയ്സ് ദാസ് എന്നീ നേതാക്കളും ബിജെപിയിൽ ചേർന്നു. ഡൽഹി ബിജെപി ആസ്ഥാനത്തു നടന്ന യോഗത്തിൽ പശ്ചിമ ബംഗാളിലെ ബിജെപി നേതാവായ മുകുൾ റോയ്, ബംഗാളിന്റെ ചുമതലയുള്ള കൈലാഷ് വിജയ് വർഗീയ തുടങ്ങിയ നേതാക്കളുടെ സാന്നിദ്ധ്യത്തിലാണ് തൃണമൂൽ എംഎൽഎയും നേതാക്കളും ബിജെപിയിലെത്തിയത്.
കഴിഞ്ഞ ദിവസം തൃണമൂൽ കോൺഗ്രസിൽനിന്നും രണ്ട് എംഎൽഎമാരും സിപിഎമ്മിൽനിന്നും ഒരു എംഎൽഎയും ബിജെപി അംഗത്വമെടുത്തിരുന്നു. ഇവർക്കൊപ്പം തൃണമൂലിന്റെ 52 കൌൺസിലർമാരും ബിജെപിയിൽ ചേർന്നു.
കഴിഞ്ഞ ദിവസം തൃണമൂൽ കോൺഗ്രസിൽനിന്നും രണ്ട് എംഎൽഎമാരും സിപിഎമ്മിൽനിന്നും ഒരു എംഎൽഎയും ബിജെപി അംഗത്വമെടുത്തിരുന്നു. ഇവർക്കൊപ്പം തൃണമൂലിന്റെ 52 കൌൺസിലർമാരും ബിജെപിയിൽ ചേർന്നു.