അരുണ്‍ ജെയ്റ്റ്‌ലിയ്ക്ക് വൃക്ക മാറ്റിവെക്കല്‍ ശസ്ത്രക്രിയ നടത്തിയേക്കും

ന്യുഡല്‍ഹി: വൃക്കകളുടെ പ്രവര്‍ത്തനം തകരാറിലായതിനെ തുടര്‍ന്ന് കേന്ദ്രമന്ത്രി അരുണ്‍ ജെയ്റ്റ്‌ലിയ്ക്ക് അടിയന്തിര വൃക്കമാറ്റിവെക്കല്‍ ശസ്ത്രക്രിയ വേണ്ടി വരുമെന്ന് റിപ്പോര്‍ട്ട്. അടുത്തയാഴ്ച്ച ശസ്ത്രക്രിയ നടത്തിയേക്കുമെന്നാണറിയുന്നത്.

അരോഗ്യാവസ്ഥ കണക്കിലെടുത്ത് പൊതുപരിപാടികളില്‍ പങ്കെടുക്കുന്നത് ഒഴിവാക്കണമെന്ന് ഡോക്ടര്‍മാര്‍ നിര്‍ദ്ദേശിച്ചിട്ടുണ്ട്. ഉത്തര്‍പ്രദേശില്‍ നിന്ന് രാജ്യസഭയിലേക്ക് തിരഞ്ഞെടുക്കപ്പെട്ട ജെയ്റ്റ്‌ലി കഴിഞ്ഞ ദിവസം സത്യപ്രതിജ്ഞാ ചടങ്ങിലും പങ്കെടുത്തിരുന്നില്ല.

അണുബാധയെ കണക്കിലെടുത്ത് കുറച്ചു ദിവസങ്ങളായി അദ്ദേഹം ഒാഫീസിലെത്തിയിരുന്നില്ല. വീട്ടില്‍ നിന്നാണ് ഫയലുകളെല്ലാം ക്ലിയര്‍ ചെയ്തിരുന്നത്. ആള്‍ ഇന്ത്യ ഇന്‍സ്റ്റിറ്റ്യൂട്ട് ഒാഫ് മെഡിക്കല്‍ സയന്‍സിലെ കാര്‍ഡിയോ ന്യുറോ ടവറില്‍ അദ്ദേഹത്തെ ശസ്ത്രക്രിയക്കായി പ്രവേശിപ്പിക്കുമെന്നാണറിയുന്നത്.