അരുണ്‍ ജെയ്റ്റ്ലി വീണ്ടും രാജ്യസഭയില്‍

ന്യൂഡല്‍ഹി: കേന്ദ്ര ധനമന്ത്രി അരുണ്‍ ജെയ്റ്റ്ലി രാജ്യസഭാംഗമായി വീണ്ടും സത്യപ്രതിജ്ഞ ചെയ്തു. രാജ്യസഭാ ചെയര്‍മാന്‍ വെങ്കയ്യ നായിഡുവിന് മുന്‍പാകെയാണ് സത്യവാചകം ചൊല്ലിയത്. ഉത്തര്‍പ്രദേശില്‍ നിന്നാണ് ജെയ്റ്റ്ലി വീണ്ടും രാജ്യസഭയില്‍ എത്തുന്നത്.

ജെയ്റ്റ്ലിയെ കൂടാതെ ജി.വി.എല്‍ നരസിംഹ റാവു, ഹര്‍നാഥ് യാദവ്, അശോക് ബാജ്പോയ്, വിജയ് പാല്‍ സിങ് തോമര്‍, കാന്ത കര്‍ദം, സകല്‍ദീപ് രാജ്ഭര്‍, അനില്‍ അഗര്‍വാള്‍ എന്നീ ബി.ജെ.പി നേതാക്കളും അംഗങ്ങളായി തെരഞ്ഞെടുക്കപ്പെട്ടിട്ടുണ്ട്. ചെയര്‍മാന്‍റെ ചേംബറില്‍ നടന്ന ചടങ്ങില്‍ രാജ്യസഭാ പ്രതിപക്ഷ നേതാവ് ഗുലാം നബി ആസാദ് സന്നിഹിതനായിരുന്നു.

ഉത്തര്‍ പ്രദേശ്, പശ്ചിമ ബംഗാള്‍, കര്‍ണാടക, ഝാര്‍ഖണ്ഡ്, ചണ്ഡിഗഡ്, തെലുങ്കാന എന്നീ ആറു സംസ്ഥാനങ്ങളില്‍ നിന്ന് 25 പേരാണ് രാജ്യസഭയിലേക്ക് എത്തിയത്. ഏപ്രിലോടെ 59 ഒഴിവുകളാണ് രാജ്യസഭയില്‍ ഉണ്ടാവുന്നത്.