അസം പൗരത്വ പട്ടിക: സർക്കാര്‍ നടപടിയെ ന്യായീകരിച്ച് രാജ്​നാഥ്​ സിങ്

ന്യൂഡൽഹി: അസം പൗരത്വ പട്ടിക വിവാദത്തിൽ സർക്കാർ നടപടിയെ ന്യായീകരിച്ച് ആഭ്യന്തരമന്ത്രി രാജ്നാഥ് സിങ് .പൗരത്വ പ്രശ്നത്തിൽ ആര്‍ക്കെതിരെയും ബല പ്രയോഗം ഉണ്ടാവില്ലെന്നും മനപ്പൂർവം ഭയത്തിേൻറതായ അന്തരീക്ഷം സൃഷ്ടിക്കുന്നത് പ്രതിഷേധാർഹമാണെന്നും രാജ്നാഥ് സിങ് വ്യക്തമാക്കി.
രാജ്യസഭയിലാണ് പ്രസ്തുത വിഷയത്തില്‍ രാജ്നാഥ് സിങ് സർക്കാറിനെ അനുകൂലിച്ച് രംഗത്തെത്തിയത്.

പൗരത്വ പട്ടിക തയാറാക്കുന്നതിനുള്ള നടപടികൾ തുടങ്ങിയത് രാജീവ് ഗാന്ധി പ്രധാനമന്ത്രിയായിരിക്കുമ്പോഴാണ്. 2005ൽ മൻമോഹൻ സിങ്ങിെൻറ ഭരണകാലത്ത് ഇതിനുള്ള തുടർനടപടികൾ സ്വീകരിച്ചുവെന്നും അദ്ദേഹം പറഞ്ഞു.

ചിലര്‍ ഇൗ വിഷയത്തെ മുന്‍നിര്‍ത്തി അടിസ്ഥാന രഹിതമായ കാര്യങ്ങള്‍ പ്രചരിപ്പിച്ച് സാമുദായിക സംഘര്‍ഷം സൃഷ്ടിക്കാന്‍ മനപൂര്‍വ്വം ശ്രമിക്കുന്നുണ്ടെന്നും രാജ്നാഥ് സിങ് ആരോപിച്ചു.