മ്യാൻമർ അതിർത്തിയിൽ തീവ്രവാദ ആക്രമണം; 3 ഇന്ത്യൻ സൈനികർ കൊല്ലപ്പെട്ടു, 4 പേർക്ക് പരിക്ക്

ന്യൂഡൽഹി: മ്യാന്മർ അതിർത്തിയിൽ തീവ്രവാദികളുമായുണ്ടായ ഏറ്റുമുട്ടലിൽ മൂന്ന് ഇന്ത്യൻ സൈനികർ കൊല്ലപ്പെട്ടു. അസം റൈഫിൾസ് യൂണിറ്റിലെ ജവാന്മാർക്കാണ് ജീവൻ നഷ്ടപ്പെട്ടത്. നാല് പേർക്ക് പരിക്കേൽക്കുകയും ചെയ്തിട്ടുണ്ട്. മണിപ്പൂരിലെ ചന്ദൽ ജില്ലയിലാണ് സംഭവം.

Also Read: 4 കിലോ സ്വർണം, 601 കിലോ വെള്ളി; ജയലളിതയുടെ വീട്ടിലെ ആസ്തിപ്പട്ടിക പുറത്ത്

ബുധനാഴ്ച രാത്രി ചന്ദൽ ജില്ലയിലെ സാജിക് തമ്പാക്കിലെ മ്യാൻമർ അതിർത്തിക്ക് സമീപമാണ് ആക്രമണമുണ്ടായതെന്നാണ് റിപ്പോർട്ടുകൾ. ഇംഫാലിൽ നിന്ന് 100 കിലോമീറ്റർ തെക്ക് ഭാഗത്താണ് ആക്രമം നടന്ന സ്ഥലം. പ്രാദേശിക തീവ്രവാദ ഗ്രൂപ്പിന്‍റെ നേതൃത്വത്തിലായിരുന്നു ആക്രമണം.

ഇന്നലെ കരസേനയുടെ ഒരു യൂണിറ്റ് ഖോങ്‌ടാൽ പ്രദേശത്ത് പട്രോളിംഗ് ആരംഭിച്ചിരുന്നു. പട്രോളിംഗ് സംഘം മടങ്ങിവരുമ്പോഴാണ് കലാപകാരികൾ ആക്രമിച്ചതെന്നാണ് റിപ്പോർട്ടുകൾ.