Vajpayee Health: അടൽ ബിഹാരി വാജ്‌പേയിയുടെ നില ഗുരുതരം

ന്യൂഡൽഹി: മുൻ പ്രധാനമന്ത്രിയും ബിജെപി നേതാവുമായ എ.ബി. വാജ്‌പേയിയുടെ നില ഗുരുതരം. ഡൽഹി എയിംസില്‍ ചികിത്സയിൽ കഴിയുന്ന വാജ്‌പേയിയെ പ്രധാനമന്ത്രി നരേന്ദ്ര മോഡി സന്ദർശിച്ചു.

കഴിഞ്ഞ രണ്ടു ദിവസമായി അടൽ ബിഹാരി വാജ്‌പേയിയുടെ ആരോഗ്യനില മോശമായി തുടരുകയാണെന്ന് ഔദ്യോഗിക റിപ്പോർട്ടുകൾ ഉണ്ട്. അദ്ദ്ദേഹത്തിന്റെ ആരോഗ്യനില സംബന്ധിച്ച് ഇത് വരെ ഔദ്യോഗിക റിപ്പോർട്ടുകൾ ഒന്നും പുറത്ത് വന്നിട്ടില്ല. കേന്ദ്ര ടെക്സ്റ്റയിൽസ് മന്ത്രി സ്മൃതി ഇറാനിയും വാജ്‌പേയിയെ ആശുപത്രിയിൽ സന്ദർശിച്ചു. 2009ൽ പക്ഷാഘാതം സംഭവിച്ചതിനെ തുടർന്ന് വാജ്‌പേയിക്ക് ഓർമ്മ നഷ്ടപ്പെട്ടിരുന്നു. 93കാരനായ വാജ്‌പേയിയുടെ ജീവൻ വൈദ്യസഹായത്തോടെയാണ് നിലനിർത്തുന്നതെന്നാണ് റിപ്പോർട്ട്. വാജ്‌പേയിയുടെ ഇരു വൃക്കകളും തകരാറിൽ ആയതായാണ് റിപ്പോർട്ട്.