ആക്സിസ് ബാങ്കില്‍ വീണ്ടും റെയ്ഡ്: 60 കോടി കണ്ടെത്തി

ന്യൂഡല്‍ഹി: ആക്സിസ് ബാങ്ക് നോയിഡ ശാഖയില്‍ ആദായ നികുതി ഉദ്യോഗസ്ഥര്‍ നടത്തിയ പരിശോധനയില്‍ 60 കോടിയുടെ വ്യാജ നിക്ഷേപം കണ്ടെത്തി. 20 അക്കൗണ്ടുകളിലായി 60 കോടിയുടെ വ്യാജ നിക്ഷേപമാണ് കണ്ടെത്തിയിരിക്കുന്നത്. നോയിഡ സെക്ടര്‍ 51 ലെ ബാങ്കിലാണ് തിരിമറി. രാജ്യമൊട്ടാകെ ആക്സിസ് ബാങ്കില്‍ വന്‍തോതില്‍ കള്ളപ്പണ നിക്ഷേപം ഉണ്ടെന്ന വിവരത്തെ തുടര്‍ന്നാണ് ആദായ നികുതി വകുപ്പ് പരിശോധന നടത്തുന്നത്.

വിവിധ കമ്പനികളുടെ പേരിലുള്ള വ്യാജ അക്കൗണ്ടുകളിലാണ് ഇത്രയും പണം സൂക്ഷിച്ചിരുന്നത്. ബാങ്ക് ഉദ്യോഗസ്ഥരുടെ സഹായത്താല്‍ കള്ളപ്പണം വെളിപ്പിക്കുകയായിരുന്നു കമ്പനികളുടെ ലക്ഷ്യം.

നവംബര്‍ 25ന് നടത്തിയ പരിശോധനയില്‍ ന്യൂഡല്‍ഹിയിലെതന്നെ കാശ്മീരി ഗേറ്റ് ശാഖയില്‍ 40 വ്യാജ അക്കൗണ്ടുകളിലായി 100 കോടി രൂപ സൂക്ഷിച്ചിരുന്നതായി കണ്ടെത്തിയിരുന്നു.

In its ongoing crackdown on black money across the country, Income Tax Department officials today raided an Axis bank branch in Noida. This is second such raid on Axis bank inside a month.