ആപ്പ്ജില്ല

അയോധ്യയിലെ രാമക്ഷേത്രത്തിന് പുതിയ രൂപകല്‍പ്പന; 1988 നേക്കാള്‍ വ്യത്യസ്തം, ഉയരം വര്‍ധിപ്പിക്കും

Samayam Malayalam 23 Jul 2020, 12:55 pm
അയോധ്യ: അയോധ്യയിലെ രാമക്ഷേത്രത്തിന് പുതിയ രൂപകല്‍പ്പന. ഉയരം 161 അടിയായി ഉയര്‍ത്താനാണ് തീരുമാനം. 141 അടി ഉയരത്തിലാണ് 1988 ല്‍ ക്ഷേത്രം തയ്യാറാക്കിത്. എന്നാല്‍, ഇപ്പോള്‍ 20 അടി വര്‍ധിപ്പിച്ച് ക്ഷേത്രം നിര്‍മ്മിക്കാനാണ് പുതിയ രൂപകല്‍പ്പന. ഓഗസ്റ്റ് 5 ന് പ്രധാനമന്ത്രി നരേന്ദ്ര മോദി പങ്കെടുക്കുന്ന ചടങ്ങിന് ശേഷമാണ് നിര്‍മ്മാണ് ആരംഭിക്കുക.
Samayam Malayalam അയോധ്യയിലെ രാമക്ഷേത്രം


Also Read: രാജ്യത്ത് കൊവിഡ് വ്യാപനം അതിരൂക്ഷം; അടച്ചിടല്‍ നീട്ടാനൊരുങ്ങി ഈ സംസ്ഥാനങ്ങള്‍

'1988 ലാണ് ഇതിനുമുമ്പ് ക്ഷേത്രം രൂപകല്‍പ്പന ചെയ്തിട്ടുള്ളത്. 30 വര്‍ഷങ്ങള്‍ കടന്നുപോയി. നിരവധി ആളുകളാണ് ക്ഷേത്രം സന്ദര്‍ശിക്കാന്‍ തിടുക്കം കൂട്ടുന്നത്. അതുകൊണ്ടാണ് ക്ഷേത്രത്തിന്റെ വലിപ്പം കൂട്ടാന്‍ തീരുമാനിച്ചത്. പുതിയ രൂപകല്‍പ്പന പ്രകാരം, ക്ഷേത്രത്തിന്റെ ഉയരം 141 അടിയില്‍ നിന്ന് 161 അടിയായി ഉയര്‍ത്തി', വാസ്തുശില്‍പിയും സി സോംപുരയുടെ മകനുമായ നിഖില്‍ സോംപുര വാര്‍ത്താ ഏജന്‍സിയായ എഎന്‍ഐയോട് പറഞ്ഞു.

Also Read: 12 ലക്ഷം കടന്ന് രാജ്യത്തെ കൊവിഡ് കേസുകള്‍; ഒറ്റ ദിവസം ആയിരം കടന്ന് മരണസംഖ്യ

രണ്ട് മണ്ഡപങ്ങള്‍ അധികമായി നിര്‍മ്മിക്കും. മുമ്പത്തെ രൂപകല്‍പ്പനയ്ക്കു വേണ്ടി കൊത്തിയെടുത്ത എല്ലാ തൂണുതളും കല്ലുകളും പുതിയ രൂപകല്‍പ്പനയിലും ഉപയോഗിക്കും. മൂന്നര വര്‍ഷം ക്ഷേത്ര നിര്‍മ്മാണത്തിനായി വേണ്ടിവരുമെന്ന് നിഖില്‍ സോംപുര കൂട്ടിച്ചേര്‍ത്തു.

Also Read: വരും ദശകങ്ങളില്‍ ഇന്ത്യയെ കാത്തിരിക്കുന്നത് മാരക വിപത്തുകള്‍; മുന്നറിയിപ്പ് നല്‍കി പഠനം

ചടങ്ങുകള്‍ ഓഗസ്റ്റ് മൂന്നിന് ആരംഭിക്കും. കൊറോണ വൈറസിനെ തുടര്‍ന്ന് ചടങ്ങുകള്‍ രണ്ട് മാസത്തിലധികം വൈകി. മാത്രമല്ല, ഇനിയുള്ള ചടങ്ങില്‍ 50 ല്‍ കൂടുതല്‍ ആളുകള്‍ പങ്കെടുക്കില്ല. അയോധയിലുടനീളം ഭീമന്‍ സിസിടിവി സ്‌ക്രീനുകള്‍ സ്ഥാപിച്ചിരിക്കുന്നതിനാല്‍ ഭക്തര്‍ക്ക് ചടങ്ങ് കാണാനാകുമെന്ന് ശ്രീം റാം ജന്മഭൂമി തീര്‍ഥ ക്ഷേത്ര പറഞ്ഞു.

ആര്‍ട്ടിക്കിള്‍ ഷോ

ട്രെൻഡിങ്