എല്ലാ മാനദണ്ഡങ്ങളും പാലിച്ചാണ് കൊവിഡിന് മരുന്ന് നിര്‍മ്മിക്കാന്‍ പതഞ്ജലി ഒരുങ്ങിയത്: രാംദേവ്

ന്യൂഡൽഹി: കൊവിഡ്-19 പൂര്‍ണമായും സുഖപ്പെടുത്തുമെന്ന അവകാശവാദവുമായി പതഞ്ജലി റിസര്‍ച്ച് ഇൻസ്റ്റിറ്റ്യൂട്ട് പുറത്തിറക്കിയ മരുന്ന് എല്ലാ മാനദണ്ഡങ്ങളും പ്രോട്ടോക്കോളുകളും പാലിച്ചാണ് നിര്‍മ്മിച്ചിരിക്കുന്നതെന്ന് ബാബാ രാംദേവ്. ഏഴു ദിവസത്തിനകം കൊവിഡ്-19 സുഖപ്പെടുത്താനുള്ള കഴിവുണ്ടെന്നാണ് രാംദേവിന്‍റെ അവകാശ വാദം. കൊവിഡ് 19ന്‍റെ മരുന്നുകള്‍ നിര്‍മ്മിക്കുന്നതിന് ആവശ്യമായ എല്ലാ തെളിവുകളും ഡാറ്റയും ആയുഷ് മന്ത്രാലയത്തിന് നൽകിയിട്ടുണ്ട്.പതഞ്ജലിയെ എതിർക്കുന്നവർക്ക് പതഞ്ജലിയുടെ പുരോഗതിയിൽ വലിയ പ്രശ്നങ്ങള്‍ ഉള്ളവരാണെന്ന് ബാബാ രാംദേവ് പറഞ്ഞു.

Also Read: ’മെ‍ഡിക്കൽ പ്രവേശനം നേടാനായില്ല’; കാമുകന്‍റെ പേര് എഴുതിവച്ച് യുവതി ആത്മഹത്യ ചെയ്തു

ഇന്നലെ ആയുഷ് മന്ത്രാലയത്തിൽ നിന്ന് ഒരു ചോദ്യാവലി ലഭിച്ചു. അരമണിക്കൂറിനുള്ളിൽ അവര്‍ നല്‍കിയ ചോദ്യങ്ങള്‍ക്ക് ഉത്തരങ്ങൾ നല്‍കിയിട്ടുണ്ട്. ആയുഷ് മന്ത്രാലയവും ഇന്ത്യൻ കൗൺസിൽ ഫോര്‍ മെഡിക്കൽ റിസര്‍ച്ചും പതഞ്ജലിയുടെ ഉത്പന്നങ്ങൾ പുറത്തിറക്കുന്നതില്‍ ശക്തമായ പിന്തുണ നല്‍കിയിട്ടുണ്ടെന്ന് രാംദേവ് പറഞ്ഞു. കൊറോണ വൈറസ് 70 ശതമാനം ബാധിച്ചവരെ പോലും അസുഖത്തില്‍ നിന്നും പുറത്ത് കടക്കാന്‍ ഈ മരുന്ന് സഹായിക്കും.കൊറോണ വൈറസ് രോഗത്തിന് പ്രതിവിധിയായിട്ടാണ് പതഞ്ജലി ആയുർവേദ ചികിത്സ തയ്യാറാക്കിയിരിക്കുന്നത്. പതഞ്ജലി 545 രൂപക്കാണ് കൊവിഡ് മരുന്നുകള്‍ നല്‍കാന്‍ തീരുമാനിച്ചിരിക്കുന്നത്.വരും കാലങ്ങളില്‍ ഇത് പാവപ്പെട്ടവര്‍ക്ക് സൗജന്യമായി നല്‍കാന്‍ തീരുമാനിച്ചിരിക്കുന്നു എന്ന് രാംദേവ് പറഞ്ഞു.



Also Read: കൊല്ലത്ത് ഗുണ്ടയെ നടുറോഡില്‍ കുത്തിക്കൊലപ്പെടുത്തിയ കേസിലെ പ്രതികൾ പിടിയിൽ

എന്നാല്‍ കൊറോണക്കുള്ള മരുന്ന് കണ്ട് പിടിക്കുന്നതിന് ആവശ്യമായ ഗവേഷണം ഒരിക്കലും അവസാനിപ്പിക്കരുതെന്ന് രാംദേവ് പറഞ്ഞു. രക്തസമ്മർദ്ദം,പഞ്ചസാര, അർബുദം തുടങ്ങി നിരവധി രോഗങ്ങളെക്കുറിച്ച് ഇപ്പോഴും ഗവേഷണം നടത്തുന്നുണ്ടെന്നും അതൊന്നും അവസാനിപ്പിക്കരുതെന്നും രാംദേവ് പറഞ്ഞു.