ബാബറി മസ്ജിദ്; വിചാരണ നേരിടാന്‍ തയ്യാറാണെന്ന് ബിജെപി നേതാക്കള്‍

ന്യൂഡല്‍ഹി: ബാബറി മസ്ജിദ് തകര്‍ത്ത സംഭവവുമായി ബന്ധപ്പെട്ട ഗൂഢാലോചന കേസ് വിചാരണ നേരിടാന്‍ തയാറാണെന്ന് മുതിര്‍ന്ന ബിജെപി നേതാക്കളായ എല്‍കെ അദ്വാനി, മുരളീ മനോഹര്‍ ജോഷി എന്നിവര്‍ സുപ്രീംകോടതിയെ അറിയിച്ചു. ഇവര്‍ക്കു വേണ്ടി ഹാജരായ മുതിര്‍ന്ന അഭിഭാഷകന്‍ കെകെ വേണുഗോപാലാണ് ഇക്കാര്യം കോടതിയെ അറിയിച്ചത്

ബിജെപി നേതാക്കള്‍ക്കെതിരായ ഗൂഢാലോചന കേസില്‍ വിചാരണ ആരംഭിക്കണമെന്ന് സിബിഐ നേരത്തെ സുപ്രീംകോടതിയില്‍ ആവശ്യപ്പെട്ടിരുന്നു. കേസില്‍ രണ്ട് എഫ്.ഐ.ആറുകളാണ് രജിസ്റ്റര്‍ ചെയ്തിട്ടുളളത്. റായ് ബറേലി കോടതി 57 സാക്ഷികളെ വിസ്തരിക്കുകയും 100ലധികം തെളിവുകള്‍ പരിശോധിക്കുകയും ചെയ്തിട്ടുണ്ട്. ലക്‌നോ കോടതി 195 സാക്ഷികളെ വിസ്തരിക്കുകയും 300ലധികം തെളിവുകള്‍ പരിശോധിക്കുകയും ചെയ്തു.

ബാബറി മസ്ജിദ് പൊളിച്ച ക്രിമിനല്‍ ഗൂഢാലോചന കേസില്‍ നിന്ന് മുതിര്‍ന്ന ബിജെപി നേതാവ് എല്‍കെ അദ്വാനി അടക്കമുള്ളവരെ ഒഴിവാക്കാനാവില്ലെന്ന് മാര്‍ച്ച് ആറിന് വാദം കേള്‍ക്കുന്നതിനിടെ സുപ്രീംകോടതി വ്യക്തമാക്കിയിരുന്നു. 1992 ഡിസംബര്‍ ആറിനാണ് ബാബറി മസ്ജിദ് തകര്‍ക്കപ്പെട്ടത്.

Babri demolition case: LK Advani, Murli Manohar Joshi agree to face conspiracy charges

Veteran Bharatiya Janata Party (BJP) leaders LK Advani, Murli Manohar Joshi have agreed to face conspiracy charges in Babri mosque demolition case even as the Supreme Court reserved its verdict