രാജ്യത്ത് ഗോവധം നിരോധിക്കണമെന്ന് അജ്മീര്‍ ദര്‍ഗ്ഗ ദീവാന്‍

ന്യുഡല്‍ഹി: രാജ്യത്ത് ഗോവധം നിരോധിക്കണമെന്ന ആവശ്യവുമായി അജ്മീര്‍ ദര്‍ഗ ദീവാന്‍ സെയ്‌നുല്‍ ആബിദീന്‍ അലി ഖാന്‍ . മതസൗഹാര്‍ദ്ദം നിലനിര്‍ത്തുന്നതിന് പശു ഉള്‍പ്പെടെയുള്ള എല്ലാ കന്നുകാലികളെയും അറക്കുന്നത് നിര്‍ത്തലാക്കണം. മുസ്ലിം സമൂഹം ബീഫ് ഉപേക്ഷിച്ച് മാതൃകയാകണമെന്നും സെയ്‌നുല്‍ ആബിദീന്‍ പറഞ്ഞു. ഖ്വാജ മുയിനുദ്ദീന്‍ ചിസ്തിയുടെ 805-ാമത് വാര്‍ഷിക ഉറൂസില്‍ സംസാരിക്കുകയായിരുന്നു അദ്ദേഹം.

രാജ്യത്തെ വിവിധ ദര്‍ഗകളിലെ മതമേലാളന്മാരുടെ സാന്നിദ്യത്തിലായിരുന്നു സൈനുദ്ദീന്‍റെ പ്രസ്താവന. ഇന്നു മുതല്‍ താനും കുടുംബവും ബീഫ് ഉപയോഗിക്കില്ലെന്നും പശുവിനെ ദേശീയ മൃഗമായി പ്രഖ്യാപിക്കണമെന്നും ചടങ്ങില്‍ അദ്ദേഹം വ്യക്തമാക്കി. പശുവിനെ കൊല്ലുന്നവര്‍ക്ക് ജീവപര്യന്തം തടവ് നല്‍കാനുള്ള ഗുജറാത്ത് സര്‍ക്കാരിന്റെ നടപടി സ്വാഗതാര്‍ഹമാണെന്നും സെയ്‌നുല്‍ ആബിദീന്‍ പറഞ്ഞു.

മുത്തലാഖിനെ കുറിച്ചുളള തന്‍റെ നിലപാടും അദ്ദേഹം പങ്കുവച്ചു. മുത്തലാഖ് ഖുര്‍ആന്റെ അന്തസത്തയ്ക്ക് യോജിക്കുന്നതല്ലെന്നും സ്ത്രീയുടെ ഭാഗം കൂടി പരിഗണിച്ച ശേഷം മാത്രമേ ന്യായമായ വിവാഹമോചനം സാധ്യമാവൂ എന്നും സൈനുല്‍ ആബിദീന്‍ പറഞ്ഞു

Ban cow slaughter to promote harmony: Ajmer dargah head to government

The spiritual head of Ajmer dargah has said that the government should put a ban on the slaughter of all bovine animals as well as the sale of beef to promote communal harmony in the country.