ലോണ്‍ തട്ടിപ്പ്: ബാങ്ക് ഓഫ് മഹാരാഷ്ട്ര തലവന്‍ അറസ്റ്റില്‍

പൂനെ: ബാങ്ക് ഓഫ് മഹാരാഷ്ട്ര എംഡിയും സിഇഒയുമായ രവീന്ദ്ര മറാത്തെയെ പൂനെ പോലിസിലെ സാമ്പത്തിക തട്ടിപ്പുകള്‍ കൈകാര്യം ചെയ്യുന്ന വിഭാഗം അറസ്റ്റ് ചെയ്‍തു. ചട്ടം ലഘിച്ച് വായ്‍പകള്‍ നല്‍കിയതിനാണ് അറസ്റ്റ്. എക്സിക്യൂട്ടീവ് ഡയറക്റ്റര്‍ രാജേന്ദ്ര ഗുപ്‍ത മറ്റു രണ്ട് ഉന്നത ബാങ്ക് ഉദ്യോഗസ്ഥര്‍ എന്നിവരും അറസ്റ്റിലായിട്ടുണ്ട്.

ഡിഎസ്‍കെ ഡെവലപ്പേഴ്‍സ്‍ ലിമിറ്റഡ്‍ എന്ന കമ്പനിക്ക് ആര്‍ബിഐ അനുമതി ഇല്ലാതെ ലോണ്‍ നല്‍കിയതിനാണ് അറസ്റ്റ്. 2043 കോടി രൂപയുടെ സാമ്പത്തിക തട്ടിപ്പാണ് ഡിഎസ്‍ കുല്‍ക്കര്‍ണി എന്ന വ്യവസായിയുടെ കമ്പനി നടത്തിയത്. ഇതുമായി ബന്ധപ്പെട്ട അന്വേഷണമാണ് ബാങ്ക് ഓഫ് മഹാരാഷ്ട്രയില്‍ എത്തി നില്‍ക്കുന്നത്.