കോൺഗ്രസിന് 'ബിജെപി ലൈറ്റ്' ആകാൻ സാധിക്കില്ല; പാർട്ടി 'സിറോ' ആകും: ശശി തരൂർ

ന്യൂഡൽഹി: തത്വമെന്ന നിലയിലും പ്രവർത്തന രീതിയിലും രാജ്യത്തെ മതേതരത്വം അപകടാവസ്ഥയിലാണെന്ന് കോൺഗ്രസ് നേതാവ് ശശി തരൂർ. വിദ്വേഷ ശക്തികൾക്ക് മതേതര കാഴ്ചപ്പാടുകളെ തകർക്കാൻ സാധിക്കില്ലെന്നും അദ്ദേഹം പറഞ്ഞു.

Also Read: ജ്യോതിരാദിത്യ സിന്ധ്യയെ നായയെന്ന് വിളിച്ചിട്ടില്ല; മറുപടിയുമായി കമൽനാഥ്

'കോൺഗ്രസ് പാർട്ടിക്ക് 'ബിജെപി ലൈറ്റ്' ആയി പ്രവർത്തിക്കാൻ സാധിക്കില്ല. അത് കോൺഗ്രസിനെ സീറോ ആക്കിമാറ്റും. കോൺഗ്രസ് ഒരിക്കലും ബിജെപിയുടെ ആശയങ്ങളെ മുന്നോട്ടുവെക്കുന്നില്ല.' 'ദി ബാറ്റിൽ ഓഫ് ബിലോങ്ങിങ്' എന്ന പുസ്തകത്തെക്കുറിച്ച് വാർത്താ ഏജൻസിയായ പിടിഐയോട് സംസാരിക്കുകയായിരുന്നു തരൂർ.

ഭരിക്കുന്നവർ മതേതരത്വം എന്ന വാക്കുപോലും ഭരണഘടനയിൽ നിന്നും ഒഴിവാക്കാൻ ശ്രമിക്കുകയാണ്. കോൺഗ്രസ് മൃദു ഹിന്ദുത്വ നയം സ്വീകരിക്കുന്നതിനെപ്പറ്റിയുള്ള ചോദ്യത്തിന്, ചിലർക്ക് അത്തരത്തിലുള്ള ആശങ്കയുണ്ടെന്നും അത് അംഗീകരിക്കുന്നുവെന്നും തരൂർ പറഞ്ഞു.

Also Read: 'പിന്നാലെ നടന്ന് ശല്ല്യം'; യുപിയിലെ ജില്ലാ കോൺഗ്രസ് അധ്യക്ഷനെ സ്ത്രീകൾ എടുത്തിട്ടിടിച്ചു

ബിജെപിയുടെ ആശയവും രൂപവുമല്ല കോൺഗ്രസിന്റേത്. യഥാർഥത്തിൽ അല്ലാത്ത ഒന്നിന്റെ പതിപ്പാവാൻ കോൺഗ്രസ് ശ്രമിക്കരുത്. താൻ അത്തരം കാഴ്ചപ്പാട് വെച്ചുപുലർത്തുന്നില്ലെന്നും തരൂർ പറഞ്ഞു.