മുന്നോക്ക സമുദായങ്ങള്‍ ആഹ്വാനം ചെയ്ത ബന്ദ് പുരോഗമിക്കുന്നു

ന്യൂഡൽഹി: പട്ടിക ജാതി - പട്ടിക വര്‍ഗ വിഭാഗങ്ങള്‍ക്കെതിരെയുള്ള അതിക്രമങ്ങള്‍ തടയാനുള്ള നിയമഭേദഗതിയിൽ പ്രതിഷേധിച്ച് 35 മുന്നോക്ക സമുദായങ്ങള്‍ ആഹ്വാനം ചെയ്ത ഭാരത് ബന്ദ് പുരോഗമിക്കുന്നു. മധ്യപ്രദേശ്, ബിഹാര്‍, യുപി എന്നിവിടങ്ങളിലാണ് പ്രധാനമായും ബന്ദ് ജനജീവിതത്തെ ബാധിച്ചിരിക്കുന്നത്.

ബന്ദിനെത്തുടര്‍ന്ന് മധ്യപ്രദേശിൽ പത്ത് ജില്ലകളിൽ നിരോധനാജ്ഞ പ്രഖ്യാപിച്ചിട്ടുണ്ട്. ബിഹാറിലും മധ്യപ്രദേശിലും ബന്ദ് അനുകൂലികള്‍ ട്രെയിനുകള്‍ തടഞ്ഞതായും റിപ്പോര്‍ട്ടുകളുണ്ട്. എന്നാൽ കാര്യമായ അക്രമസംഭവങ്ങള്‍ ഇതുവരെ റിപ്പോര്‍ട്ട് ചെയ്തിട്ടില്ല.

ഈ വര്‍ഷം ഫെബ്രുവരിയിൽ പട്ടിക ജാതി - പട്ടിക വര്‍ഗ വിഭാഗങ്ങള്‍ക്കെതിരായ ആക്രമണം തടയുന്നതിനുള്ള നിയമത്തിൽ കേന്ദ്രസര്‍ക്കാര്‍ നിയമഭേദഗതി വരുത്തിയത്. വലിയ പ്രതിഷേധം ഉയര്‍ന്നതിനെത്തുടര്‍ന്ന് ഇത് പുനഃസ്ഥാപിക്കുന്നതിനുള്ള ഓര്‍ഡറും കൊണ്ടുവന്നിരുന്നു. ഇതിനെതിരെയാണ് മുന്നോക്ക സംഘടനകള്‍ ബന്ദിന് ആഹ്വാനം ചെയ്തിരിക്കുന്നത്.