ഭാരത് ബന്ദില്‍ പരക്കെ അക്രമം: ബീഹാറില്‍ ട്രെയിന്‍ തടഞ്ഞു

ന്യൂഡല്‍ഹി: ദലിത് സംഘടനകള്‍ ആഹ്വാനം ചെയ്ത ഭാരത് ബന്ദില്‍ ബീഹാര്‍ രാജസ്ഥാന്‍ തുടങ്ങിയ സംസ്ഥാനങ്ങളിലുള്‍പ്പെടെ പരക്കെ അക്രമം. രാജസ്ഥാനിലെ ബാര്‍മേറില്‍ കാറുകളും കെട്ടിടങ്ങളും പ്രതിഷേധക്കാര്‍ തീയിടുകയും തകര്‍ക്കുകയും ചെയ്തു.

ഒഡീഷയിലെ സാംബല്‍പുരില്‍ സമരക്കാര്‍ ട്രെയിന്‍ സര്‍വീസ് തടഞ്ഞു.പഞ്ചാബില്‍ 10, 12 ക്ലാസുകളിലെ സിബിഎസ്ഇ പരീക്ഷകള്‍ മാറ്റിവച്ചു. മൊബൈല്‍ ഇന്റര്‍നെറ്റ് സേവനങ്ങളും എസ്എംഎസും രാത്രി 11 വരെ റദ്ദാക്കി.സംഘര്‍ഷസാധ്യതാ മേഖലകളില്‍ സൈന്യത്തെയും പൊലീസിനെയും വിന്യസിച്ചിട്ടുണ്ട്.

പട്ടിക വിഭാഗങ്ങള്‍ക്കെതിരെയുള്ള അതിക്രമങ്ങള്‍ തടയാനുള്ള നിയമപ്രകാരം ഉടനെ കേസെടുത്ത് അറസ്റ്റ് ചെയ്യുന്നതു തടഞ്ഞുള്ള സുപ്രീംകോടതി വിധിക്കെതിരെയാണ് ബന്ദ് നടക്കുന്നത്. പഞ്ചാബിലെ കപുര്‍ത്തലയിലെ സുഭാന്‍പുറില്‍ പ്രതിഷേധക്കാര്‍ ജലന്തര്‍-അമൃത്‌സര്‍ ദേശീയപാതയും ഹോഷിയാപുറില്‍ പാണ്ഡ്യ ബൈപ്പാസും ഉപരോധിച്ചു.

പട്ടിക വിഭാഗങ്ങള്‍ക്കെതിരെയുള്ള അതിക്രമങ്ങള്‍ തടയാനുള്ള നിയമപ്രകാരം ഉടനെ കേസെടുത്ത് അറസ്റ്റ് ചെയ്യുന്നതു തടഞ്ഞുള്ള സുപ്രീംകോടതി വിധിക്കെതിരെയാണ് ബന്ദ് നടക്കുന്നത്.