ഡ്യൂഡൽഹി: ഭാരത് ബയോടെക്ക് വികസിപ്പിച്ച കൊവിഡ് വാക്സിനായ കൊവാക്സിന്റെ വില പ്രഖ്യാപിച്ചു. ഡോസിന് 600 രൂപാ നിരക്കിലാണ് സംസ്ഥാന സർക്കാരുകൾക്ക് വാക്സിൻ ലഭ്യമാകുക. സ്വകാര്യ ആശുപത്രികൾക്ക് 1200 രൂപാ നിരക്കിലും ലഭ്യമാക്കും. ഹൈദരാബാദ് കേന്ദ്രീകരിച്ച് പ്രവർത്തിക്കുന്ന കമ്പനി ശനിയാഴ്ചയാണ് പ്രഖ്യാപനം നടത്തിയത്. "ഇന്ത്യൻ സർക്കാരിന്റെ നിർദ്ദേശം അനുസരിച്ച് വാക്സിന്റെ വില ഞങ്ങൾ പ്രഖ്യാപിക്കുകയാണ്. 600 രൂപാ നിരക്കിലാണ് സംസ്ഥാന സർക്കാരുകൾക്ക് വാക്സിൻ ലഭ്യമാക്കുക. സ്വകാര്യ ആശുപത്രികൾക്ക് 1200 രൂപാ നിരക്കിലും ലഭ്യമാക്കും." ഭാരത് ബയോടെക്ക് പ്രസ്താവനയിൽ പറഞ്ഞു.
15-20 ഡോളർ വരെയാണ് വിദേശ വിപണിയിൽ വാക്സിന്റെ വില. ഇന്ത്യയിലും രാജ്യത്തിന് പുറത്തുമുള്ള കൊവിഡ്-19 വ്യാപനത്തിൽ തങ്ങൾ ആശങ്കാകുലരാണെന്ന് കമ്പനി വ്യക്തമാക്കി.
15-20 ഡോളർ വരെയാണ് വിദേശ വിപണിയിൽ വാക്സിന്റെ വില. ഇന്ത്യയിലും രാജ്യത്തിന് പുറത്തുമുള്ള കൊവിഡ്-19 വ്യാപനത്തിൽ തങ്ങൾ ആശങ്കാകുലരാണെന്ന് കമ്പനി വ്യക്തമാക്കി.