മദ്രാസ്, കല്‍ക്കട്ട, ബോംബേ ഹൈക്കോടതികളുടെ പേര് മാറ്റും

ന്യൂഡല്‍ഹി: പ്രശസ്‍തമായ മദ്രാസ്, കല്‍ക്കട്ട, ബോംബേ ഹൈക്കോടതികളുടെ പേര് മാറ്റാന്‍ സര്‍ക്കാര്‍ പാര്‍ലമെന്‍റില്‍ ബില്‍ കൊണ്ടുവരും. നഗരങ്ങളുടെ പുതിയ പേരുകളായ കൊല്‍ക്കത്ത, ചെന്നൈ, മുംബൈ എന്നിവയാണ് ഹൈക്കോടതികള്‍ക്കും ലഭിക്കുന്നത്.

മദ്രാസ് ഹൈക്കോടതിയുടെ പേര് തമിഴ്‍നാട് ഹൈക്കോടതി എന്നാക്കണമെന്നാണ് തമിഴ് നാട് സര്‍ക്കാര്‍ ആവശ്യപ്പെടുന്നത്. ചെന്നൈ ഹൈക്കോടതി എന്ന പേര് ആവശ്യമില്ലെന്നാണ് വാദം. കല്‍ക്കട്ട ഹൈക്കോടതിയുടെ പേര് കൊല്‍ക്കത്ത ഹൈക്കോടതി എന്നാക്കണമെന്നാണ് സംസ്ഥാന സര്‍ക്കാര്‍ ആവശ്യപ്പെടുന്നത്. എന്നാല്‍ ഇക്കാര്യത്തില്‍ ഹൈക്കോടതിക്ക് താല്‍പര്യമില്ല.

ലോക് സഭയില്‍ 2016ല്‍ അവതരിപ്പിച്ച ബില്‍ വീണ്ടും അവതരിപ്പിക്കുമെന്ന് നിയമസഹമന്ത്രി പിപി ചൗധരി പറഞ്ഞു. ബ്രിട്ടീഷ് രാജ്ഞിയുടെ ചാര്‍ട്ടറിന്‍റെ അടിസ്ഥാനത്തിലാണ് 1862ല്‍ കല്‍ക്കട്ട ഹൈക്കോടതി സ്ഥാപിതമായത്.