പൊതുവേദിയിൽ 45 പുഷ് അപ്പെടുത്ത് ബിപ്ലബ് ദേബ്

കൊൽക്കത്ത: കരുത്തുകൊണ്ട് ശ്രദ്ധനേടി ബിജെപി നേതാവും ത്രിപുര മുഖ്യന്ത്രി ബിപ്ലബ് കുമാർ ദേബ്. കൊൽക്കത്തയിൽ നടന്ന ഇന്ത്യ ടുഡെ കോൺക്ലേവിലാണ് ബിപ്ലബ് ദേബ് തുടർച്ചയായി 45 തവണ പുഷ് അപ്പ് എടുത്തത്. കോൺക്ലേവ് മോഡറേറ്ററായ ഇന്ത്യാ ടുഡെ മാനേജിങ് എഡിറ്റർ രാഹുൽ കൺവാളാണ് ബിപ്ലബ് ദേബിനെ പുഷ് അപ്പ് എടുക്കാൻ വെല്ലുവിളിച്ചത്.

എല്ലാ ദിവസവും മടികൂടാതെയുള്ള വ്യായാമമാണ് തന്റെ ആരോഗ്യ രഹസ്യമെന്ന് ബിപ്ലബ് ദേബ് പറഞ്ഞു. 15 മിനിറ്റിനുള്ള 150 പുഷ്അപ്പ് എടുക്കാനാകുമെന്നും ബിപ്ലബ് ദേബ് അവകാശപ്പെട്ടു. കോൺക്ലേവിൽ കേന്ദ്രമന്ത്രി ബബുൽ സുപ്രിയോയെ പുഷ് അപ്പ് എടുക്കാൻ ക്ഷണിച്ചെങ്കിലും അദ്ദേഹം അതിന് തയ്യാറായില്ല.

മണ്ടത്തരം നിറഞ്ഞ പ്രസ്താവനകളിലൂടെയാണ് ബിപ്ലബ് ദേബ് ശ്രദ്ധേയനായത്.