ആപ്പ്ജില്ല

ഇന്ത്യയുടെ മിസൈൽ മാൻ അബ്ദുള്‍ കലാമിന് 87-ാം ജന്മദിനം

അഗ്നി, പൃഥ്രി മിസൈലുകളുടെ ശിൽപി

Samayam Malayalam 15 Oct 2018, 12:07 pm
Samayam Malayalam abdul kalam
ഇന്ത്യയുടെ മിസൈൽമാൻ ‍ഡോ. എ പി ജെ അബ്ദുള്‍ കലാമിന് ഇന്ന് 87-ാം ജന്മദിനം. രണ്ടാമത് പൊഖ്രാൻ ആണവപരീക്ഷണം, അഗ്നി, പൃഥ്രി മിസൈലുകള്‍ തുടങ്ങിയ പദ്ധതികളുടെ മുഖ്യശിൽപിയായിരുന്ന കലാം 2002-07 കാലയളവിൽ രാജ്യത്തിന്‍റെ 11-ാമത് രാഷ്ട്രപതിയുമായിരുന്നു.

ഇന്ത്യയുടെ ആദ്യ സാറ്റലൈറ്റ് ലോഞ്ച് വെഹിക്കിള്‍ വികസിപ്പിച്ചത് അബ്ദുള്‍ കലാമിന്‍റെ നേതൃത്വത്തിലായിരുന്നു. രോഹിണി ഉപഗ്രഹം ഭ്രമണപഥത്തിലെത്തിക്കാനായി വകസിപ്പിച്ച എസ്എൽവി 3 ആണ് രാജ്യത്തിന് സ്പേസ് ക്ലബ്ബിൽ അംഗത്വം നേടിക്കൊടുത്തത്.

രണ്ട് പതിറ്റാണ്ടോളം ഐഎസ്ആര്‍ഓയിൽ സേവനമനുഷ്ഠിച്ച ശേഷമാണ് അബ്ദുള്‍ കലാം ഡിആര്‍ഡിഓയിൽ സ്വന്തമായി മിസൈലുകള്‍ വികസിപ്പിക്കാനുള്ള ചുമതല ഏറ്റെടുത്തത്. അഗ്നി, പൃഥ്രി മിസൈലുകള്‍ വിജയമായതോടെ അദ്ദേഹത്തിന് ഇന്ത്യയുടെ മിസൈൽമാൻ എന്ന പേരുവീണു.

രാജ്യത്തിനകത്തും പുറത്തുമുള്ള 48 സര്‍വകലാശാലകളിൽ നിന്ന് അദ്ദേഹത്തിന് ഓണററി ഡോക്ടറേറ്റുകള്‍ ലഭിച്ചിട്ടുണ്ട്. പദ്മ ഭൂഷൺ (1981), പദ്മ വിഭൂഷൺ (1990), ഭാരതരത്നം (1997) എന്നീ സിവിലിയൻ ബഹുമതികളും അദ്ദേഹത്തെ തേടിയെത്തി.

ആര്‍ട്ടിക്കിള്‍ ഷോ

ട്രെൻഡിങ്