ചീഫ് ജസ്റ്റിസിനെതിരായ ഇംപീച്ച്‍മെൻറ്: പിന്തുണക്കില്ലെന്ന് ബിജെഡി

ന്യൂഡൽഹി: ചീഫ് ജസ്റ്റിസ് ദീപക് മിശ്രയെ ഇംപീച്ച് ചെയ്യാനുള്ള നോട്ടീസിനെ പിന്തുണക്കില്ലെന്ന് ബിജു ജനതാദൾ (ബിജെഡി). പ്രമേയം രാജ്യസഭയിൽ അവതരിപ്പിച്ചാൽ എതിർത്ത് വോട്ട് ചെയ്യാനാണ് പാർട്ടിയുടെ തീരുമാനം.

ചീഫ് ജസ്റ്റിസിനെ ഇംപീച്ച് ചെയ്യാൻ പ്രതിപക്ഷം തിങ്കളാഴ്ച നോട്ടിസ് നൽകും. കോൺഗ്രസ് ഉൾപ്പെടെയുള്ള പ്രതിപക്ഷ കക്ഷികൾ നോട്ടീസിൽ‌ ഒപ്പുവച്ചു. മുതിർന്ന ജഡ്ജിമാര്‍ ഉന്നയിച്ച ആരോപണങ്ങളെ തുടർന്നാണ് ചീഫ് ജസ്റ്റിസിനെതിരെയുള്ള നീക്കം.

ദീപക് മിശ്രയെ പുറത്താക്കാനുള്ള സാധ്യത തേടി കോൺഗ്രസിന്റെ നേതൃത്വത്തിൽ നീക്കം ആരംഭിച്ചതായി കഴിഞ്ഞ ദിവസങ്ങളിൽ റിപ്പോർട്ടുകളുണ്ടായിരുന്നു. ഇതിന്റെ ഭാഗമായി ഇംപീച്ച്മെന്റ് പ്രമേയം അവതരിപ്പിക്കുന്നതിന് ഒപ്പുശേഖരണവും ആരംഭിച്ചു.