നാഗിന: കോൺഗ്രസ് അധ്യക്ഷൻ രാഹുൽ ഗാന്ധി വയനാട്ടിലേക്ക് ഒളിച്ചോടിയെന്ന് ബിജെപി ദേശീയ അധ്യക്ഷൻ അമിത് ഷാ. എന്തുകൊണ്ടാണ് രാഹുൽ അമേഠിയിൽ നിന്ന് വയനാട്ടിലേക്ക് രക്ഷപ്പെട്ടതെന്നും അദ്ദേഹം ചോദിച്ചു. ഉത്തർപ്രദേശിലെ നാഗിനയിൽ നടന്ന റാലിയിൽ സംസാരിക്കുകയായിരുന്നു അമിത് ഷാ. അമേഠിയിൽ രാഹുൽ ചെയ്തത് എന്താണെന്ന് ജനങ്ങള്ക്കറിയാം. ഇത് കാരണമാണ് കേരളത്തിലേക്ക് സ്ഥാനാര്ത്ഥിയാകാൻ പോയത്. ധ്രുവീകരണ രാഷ്ട്രീയം ഉപയോഗിച്ച് ജയിക്കാനാണ് രാഹുൽ ശ്രമിക്കുന്നതെന്നും അമിത് ഷാ പറഞ്ഞു.
രാഹുൽ ഗാന്ധിയുടെ വയനാട്ടിലെ സ്ഥാനാര്ത്ഥിത്വത്തെ വിമര്ശിച്ച് സംസ്ഥാന ബിജെപി ഘടകവും രംഗത്തുവന്നിരുന്നു. മുസ്ലീം ലീഗിൻ്റെ കോട്ടയിൽ മത്സരിക്കുന്നതിനെക്കാൾ എഐസിസി ആത്മഹത്യ ചെയ്യുന്നതാണ്. വയനാട്ടിലെ രാഹുലിൻ്റെ സ്ഥാനാര്ത്ഥിത്വം കോൺഗ്രസിൻ്റെ അപചയമാണ്. മുസ്ലീം ലീഗിനെ ചത്ത കുതിരയെന്ന് വിളിച്ച ജവഹര്ലാൽ നെഹ്റുവിൻ്റെ കൊച്ചുമകനാണ് ഈ ഗതികേട് വന്നിരിക്കുന്നത്. സ്ഥാനാര്ത്ഥി പ്രഖ്യാപനം കെപിസിസി പ്രസിഡൻ്റിൻ്റെ മുഖത്തേറ്റ തിരിച്ചടിയാണെന്ന് അധ്യക്ഷൻ പി എസ് ശ്രീധരൻ പിള്ള പറഞ്ഞു.
രാഹുൽ ഗാന്ധിയുടെ വയനാട്ടിലെ സ്ഥാനാര്ത്ഥിത്വത്തെ വിമര്ശിച്ച് സംസ്ഥാന ബിജെപി ഘടകവും രംഗത്തുവന്നിരുന്നു. മുസ്ലീം ലീഗിൻ്റെ കോട്ടയിൽ മത്സരിക്കുന്നതിനെക്കാൾ എഐസിസി ആത്മഹത്യ ചെയ്യുന്നതാണ്. വയനാട്ടിലെ രാഹുലിൻ്റെ സ്ഥാനാര്ത്ഥിത്വം കോൺഗ്രസിൻ്റെ അപചയമാണ്. മുസ്ലീം ലീഗിനെ ചത്ത കുതിരയെന്ന് വിളിച്ച ജവഹര്ലാൽ നെഹ്റുവിൻ്റെ കൊച്ചുമകനാണ് ഈ ഗതികേട് വന്നിരിക്കുന്നത്. സ്ഥാനാര്ത്ഥി പ്രഖ്യാപനം കെപിസിസി പ്രസിഡൻ്റിൻ്റെ മുഖത്തേറ്റ തിരിച്ചടിയാണെന്ന് അധ്യക്ഷൻ പി എസ് ശ്രീധരൻ പിള്ള പറഞ്ഞു.