ഗുജറാത്ത് ബിജെപി ആദ്യഘട്ട സ്ഥാനാര്‍ത്ഥി പട്ടിക പുറത്തിറങ്ങി

ന്യൂ ഡൽഹി: ഗുജറാത്ത് തെരഞ്ഞെടുപ്പിനായുള്ള ബിജെപിയുടെ ആദ്യഘട്ട സ്ഥാനാര്‍ത്ഥി പട്ടിക പുറത്തിറങ്ങി. 70 മണ്ഡ‍ലങ്ങളിലേയ്ക്കുള്ള സ്ഥാനാര്‍ത്ഥികളുടെ പട്ടികയാണ് പ്രസിദ്ധീകരിച്ചത്. മുഖ്യമന്ത്രി വിജയ് രൂപാണി, ഉപമുഖ്യമന്ത്രി നിതിൻ പട്ടേൽ തുടങ്ങിയവര്‍ ആദ്യഘട്ട പട്ടികയിൽ ഉള്‍പ്പെട്ടിട്ടുണ്ട്.

സൗരാഷ്ട്രയിലെ രാജ്കോട്ട് വെസ്റ്റിൽ നിന്നാണ വിജയ് രൂപാണി മത്സരിക്കുക. ബിജെപിയ്ക്ക് മികച്ച വിജയസാധ്യതയുള്ള മണ്ഡലമാണിത്. നിതിൻ പട്ടേൽ മെഹ്സാനയിൽ നിന്ന് മത്സരിക്കും. ബിജെപി സംസ്ഥാന അധ്യക്ഷനായ ജിതു വഖാനി ഭാവ്നഗര്‍ വെസ്റ്റിൽ നിന്ന് മത്സരിക്കും.

കോണ്‍ഗ്രസിൽ നിന്ന് കൂടുമാറി ബിജെപിയിലെത്തിയ മുൻ എംഎൽഎ രാഘവ്ജി പട്ടേലിന് ജംനഗറിലാണ് സീറ്റ് നല്‍കിയിട്ടുള്ളത്. കൂടാതെ മുൻ കോണ്‍ഗ്രസ് നേതാക്കളായ രാംനീഷ് പര്‍മാര്‍, സി കെ രാലോജി എന്നിവരും പട്ടികയിൽ ഉള്‍പ്പെട്ടിട്ടുണ്ട്.