ബിജെപി നേതാവിന് വെടിയേറ്റ് ഗുരുതര പരിക്ക്

ഗാസിയാബാദ്: ബിജെപി നേതാവ് ബ്രിജ്‌പാൽ തിയോതിയക്ക് അജ്ഞാതരുടെ വെടിയേറ്റ് ഗുരുതര പരിക്ക്. ഗാസിയാബാസിലെ റൗളി റോഡിൽ ഇന്നലെ രാത്രിയാണ് സംഭവം. അക്രമികൾ എകെ-47, 9എംഎം പിസ്‌റ്റൾ തോക്കുകൾ ഉപയോഗിച്ചാണ് വെടിവെച്ചതെന്ന് ‌പോലീസ് ‌പറഞ്ഞു.

കാറിൽ സഞ്ചരിക്കുകയായിരുന്ന തിയോതിയയെ ‌മറ്റൊരു ‌കാറിൽ പിന്തുടർന്നെത്തിയ അക്രമികൾ വെടി‌വെയ്‌ക്കുകയായിരുന്നു. തിയോതിയയെ കൂടാതെ കാറിലുണ്ടായിരുന്ന അഞ്ച് അംഗരക്ഷകർക്കും പരിക്കേറ്റു.

ഗാസിയാബാദിനടുത്തുള്ള സർവോദയ ആശുപത്രിയിൽ പ്രവേശിപ്പിച്ച തിയോദിയയുടെ ശരീരത്തിൽ നിന്ന് അഞ്ച് ‌വെടിയുണ്ടകൾ പുറത്തെടുത്തു.

കേസ് രജിസ്‌റ്റർ ചെയ്‌ത ‌പോലീസ് അന്വേഷണം ആരംഭിച്ചു.

ബി ജെ പിയുടെ കിസാന്‍ മോര്‍ച്ച നേതാവാണ് തിയോതിയ. 2012 ലെ നിയമസഭാ തിരഞ്ഞെടുപ്പിൽ ബിജെപി ടിക്കറ്റില്‍ മത്സരിച്ചുവെങ്കിലും പരാജയപ്പെട്ടിരുന്നു.