കുതിരയെ അക്രമിച്ച ബിജെപി എംഎൽഎ അറസ്റ്റിൽ

ലക്നൗ: പൊലീസ് സേനയിലെ ശക്തിമാൻ എന്ന കുതിരയുടെ കാൽ തല്ലിയൊടിച്ച സംഭവത്തിൽ ബിജെപി എംഎൽഎ ഗണേഷ് ജോഷി അറസ്റ്റിൽ. കുതിരയെ ജോഷി കുതിരയെ ഉപദ്രവിക്കുന്നതിന്‍റെ ദൃശ്യങ്ങൾ പോലീസിന് ലഭിച്ചിരുന്നു. ദൃശ്യങ്ങളിൽ നിന്ന് ഇയാൾ കുറ്റക്കാരനാണെന്ന് തെളിഞ്ഞതിനെ തുടർന്നാണ് അറസ്റ്റ്. ഡെറാഡൂൺ പൊലീസ് ഒരു ഹോട്ടലിൽ നിന്നാണ് ഇയാളെ അറസ്റ്റ് ചെയ്തത്.

മാർച്ച് 14ന് ഉത്തരാഖഢ് മുഖ്യമന്ത്രി ഹരീഷ് രവാത്തിനെതിരെ നടത്തിയ പ്രതിഷേധത്തിനിടെയാണ് ഗണേഷ് ജോഷി കുതിരയുടെ കാൽ തല്ലിയൊടിച്ചത്. ഗുരുതരമായി പരുക്കേറ്റ കുതിരയെ ശസ്ത്രക്രിയയ്ക്ക് വിധേയമാക്കിയെങ്കിലും, കാൽ മുറിച്ച് മാറ്റേണ്ടി വന്നു. ഇന്ന് രാവിലെയാണ് കുതിരയുടെ കാൽ മുറിച്ച് മാറ്റിയത്.

സംഭവം ഏറെ വിവാദമായിരുന്നു. ജോഷിയെ പാർട്ടിയിൽ നിന്ന് പുറത്താക്കണമെന്നാവശ്യപ്പെട്ട് കേന്ദ്രമന്ത്രി മേനക ഗാന്ധിയും രംഗത്തെത്തിയിരുന്നു.