മാണിക് സര്‍ക്കാരിന് ക്ഷണവുമായി ബിജെപി നേതാക്കൾ

അഗര്ത്തല: ത്രിപുര മുഖ്യമന്ത്രിയായി ബിപ്ലബ് കുമാര് ദേബ് സത്യപ്രതിജ്ഞ ചെയ്യുന്ന ചടങ്ങിലേയ്ക്ക് മുൻ മുഖ്യമന്ത്രി മാണിക് സര്ക്കാരിനെ ബിജെപി നേതാക്കള് സിപിഎം ഓഫീസിലെത്തി ക്ഷണിച്ചു. ബിജെപിയുടെ മുതിര്ന്ന നേതാവ് രാം മാധവും ബിപ്ലബ് കുമാര് ദേബുമാണ് മാണിക് സര്ക്കാരിനെ കാണാനെത്തിയത്.

തിരഞ്ഞെടുപ്പിലെ പരാജയത്തെത്തുടര്ന്ന് മാണിക് സര്ക്കാര് ഓഫീസ് ഒഴിഞ്ഞ് പാര്ട്ടി ഓഫീസിന്റെ മുകള്നിലയിലേയ്ക്ക് താമസം മാറ്റിയിരുന്നു. വ്യാഴാഴ്ചയാണ് ബിജെപി നേതാക്കള് ഇവിടെയെത്തി മാണിക് സര്ക്കാരിനെ ചടങ്ങിലേയ്ക്ക് ക്ഷണിച്ചത്.

സംസ്ഥാനത്ത് സിപിഎം ഓഫീസുകളും നേതാക്കളുടെ പ്രതിമകളും തകര്ക്കപ്പെടുന്നതിനെത്തുടര്ന്ന് ചടങ്ങ് ബഹിഷ്കരിക്കുമെന്ന് ഇടതുപക്ഷം അറിയിച്ചിരുന്നു. ഈ സാഹചര്യത്തിലാണ് മാണിക് സര്ക്കാരിന് പ്രത്യേക ക്ഷണവുമായി ബിജെപി നേതാക്കള് എത്തയത്.

മുഖ്യമന്ത്രിപദം ഒഴിഞ്ഞയുടൻ പാര്ട്ടി ഓഫീസിലേയ്ക്ക് താമസം മാറ്റിയ മാണിക് സര്ക്കാരിന്റെ നടപടി മറ്റു നേതാക്കളും അനുകരിക്കേണ്ടതാണെന്ന് കൂടിക്കാഴ്ചയ്ക്ക് ശേഷം രാംമാധവ് മാധ്യമങ്ങളോടു പറഞ്ഞു. വ്യാഴാഴ്ചയാണ് മാണിക് സര്ക്കാരും പത്നിയും പാര്ട്ടി ഓഫീസിനു മുകളിലേയ്ക്ക് താമസം മാറ്റിയത്. എംഎൽഎ ക്വാര്ട്ടേഴ്സിൽ താമസിക്കാമെങ്കിലും അത് വിനിയോഗിക്കില്ലെന്ന് അദ്ദേഹം അറിയിക്കുകയായിരുന്നു.