ബിജെപി വിജയിച്ചത് രാമക്ഷേത്ര നിർമാണം നടത്താൻ എന്ന് ആർഎസ്എസ് എംപി

ലഖ്‌നൗ: രാമക്ഷേത്ര നിർമാണ വിഷയത്തിൽ നിലപാടുമായി ശിവസേന രാജ്യസഭാ എംപി. പ്രധാനമന്ത്രി നരേന്ദ്ര മോദിയുടെയും ഉത്തർപ്രദേശ് മുഖ്യമന്ത്രി യോഗി ആദിത്യനാഥിന്റെയും നേതൃത്വത്തിൽ രാമക്ഷേത്രം നിർമിക്കുമെന്ന് ശിവസേന എംപി സഞ്‌ജയ്‌ റാവത്താണ് പ്രസ്താവിച്ചത്.

ലോക്‌സഭാ തെരഞ്ഞെടുപ്പിൽ വമ്പിച്ച ഭൂരിപക്ഷത്തോടെ ബിജെപി അധികാരത്തിൽ എത്തിയത് രാമക്ഷേത്ര നിർമാണം സാധ്യമാക്കാനാണെന്നും സഞ്‌ജയ്‌ റാവത്ത് പറഞ്ഞു. രാമക്ഷേത്ര നിർമാണം മോദിയുടെയും യോഗി ആദിത്യനാഥിന്റെയും നേതൃത്വത്തിലായിരിക്കും. അതിന്റെ ക്രെഡിറ്റ് ശിവസേനയ്ക്ക് വേണ്ടെന്നും സഞ്‌ജയ്‌ റാവത്ത് കൂട്ടിച്ചേർത്തു. ശിവസേന നേതാവ് ഉദ്ധവ് താക്കറെ അയോദ്ധ്യ സന്ദർശനം നടത്തുന്നുണ്ട്. നിയുക്ത എംപിമാരും ഉദ്ധവിനൊപ്പം ഉണ്ടാകുമെന്നും സഞ്‌ജയ്‌ റാവത്ത് പറഞ്ഞു.