യുപി തദ്ദേശ തെരഞ്ഞെടുപ്പിൽ ബിജെപിക്ക് മുന്നേറ്റം

ലഖ്‌നൗ: യോഗി ആദിത്യനാഥ് ഭരിക്കുന്ന യുപിയിൽ തദ്ദേശ സ്ഥാപനങ്ങളിലേക്ക് നടന്ന തെരഞ്ഞെടുപ്പിൽ ബിജെപിക്ക് വൻ മുന്നേറ്റം. യോഗിയുടെ നേതൃത്വത്തിലുള്ള ഭരണത്തിന്‍റെ വിലയിരുത്തലാകും തെരഞ്ഞെടുപ്പ് ഫലം. 16 കോർപ്പറേഷനുകളിലേക്ക് നടന്ന തെരഞ്ഞെടുപ്പിൽ ഫലം അറിവായ 12 ഇടങ്ങളിൽ ബിജെപി മുന്നേറുന്നു.

100 വർഷത്തിന് ശേഷം ലഖ്‌നൗ മുനിസിപ്പൽ കോർപ്പറേഷനിൽ ബിജെപിയുടെ സംയുക്ത ഭാട്ട്യ വിജയിച്ച് മേയാറാകുമെന്നും ദേശീയ മാധ്യമങ്ങൾ റിപ്പോർട്ട് ചെയ്യുന്നു. ഇതുവരെ ഫലം അറിവായ 43 സീറ്റുകളില്‍ 24 ഇടത്ത് ബിജെപിയും എസ്പി 15 ഇടത്തും ബിഎസ്പി അഞ്ച് സീറ്റിലും കോണ്‍ഗ്രസ് നാല് സീറ്റിലും വിജയിച്ചിട്ടുണ്ട്. അയോധ്യ-ഫൈസാബാദ് കോര്‍പറേഷനിലെ റാം പ്രസാദ് ബിസ്മില്‍ വാര്‍ഡില്‍ സ്വതന്ത്രനായി മത്സരിച്ച മാധ്യമപ്രവർത്തകൻ വിജയിച്ചു.

കോൺഗ്രസും മറ്റും പാർട്ടികളും സഹകരിച്ചാണ് തെരഞ്ഞെടുപ്പിനെ നേരിടുന്നത്. എന്നാൽ ബിജെപി ഒറ്റക്കാണ് എല്ലായിടത്തും മത്സരിച്ചത്.