ലഖ്നൗ: രാജ്യത്ത് കൊവിഡ്-19 വ്യാപനം രൂക്ഷമായി തുടരുന്ന സാഹചര്യത്തിനിടെ കൊവിഡിനെ പ്രതിരോധിക്കാൻ ഗോമൂത്രം കുടിക്കാൻ നിർദേശിച്ച് ബിജെപി എംഎൽഎ. ഉത്തർപ്രദേശിലെ ബല്ലിയ ജില്ലയിലെ ബയരിയ മണ്ഡലത്തിൽ നിന്നുള്ള എംഎൽഎയായ സുരേന്ദ്ര സിങാണ് ആളുകളോട് ഗോമൂത്രം കുടിക്കാൻ നിർദേശിച്ചതെന്ന് 'ഇന്ത്യ ടുഡേ' റിപ്പോർട്ട് ചെയ്തു.
സമൂഹമാധ്യമങ്ങളിൽ പങ്കുവച്ച വീഡിയോയിലൂടെയാണ് സുരേന്ദ്ര സിങ് എല്ലാവരോടും ഗോമൂത്രം കുടിക്കാൻ നിർദേശിച്ചത്. "കൊവിഡിനെ പ്രതിരോധിക്കാൻ എല്ലാവരും ഗോമൂത്രം കുടിക്കുകയും മറ്റുള്ളവരോട് കുടിക്കാൻ നിർദേശിക്കുകയും വേണം. ശരീരത്തിൻ്റെ ആരോഗ്യം പരിപാലിക്കുന്നതിൽ ഗോമൂത്രം മികച്ച ഔഷധമാണ്. പൊതുപ്രവർത്തകനായ താൻ 18 മണിക്കൂർ ജോലി ചെയ്തിട്ടും ക്ഷീണം അനുഭവപ്പെടാത്തത് പതിവായി ഗോമൂത്രം കുടിക്കുന്നതിനാലാണ്" - എന്നും അദ്ദേഹം പറഞ്ഞു.
വെള്ളത്തിൽ ചേർത്ത് അതിരാവിലെ വെറും വയറ്റിൽ വേണം ഗോമൂത്രം കുടിക്കാൻ. ഇതിന് ശേഷം അരമണിക്കൂർ നേരം മറ്റൊന്നും കഴിക്കരുത്. കൊവിഡിനെ പ്രതിരോധിക്കാൻ മാത്രമല്ല. ഹൃദ്രോഗമുള്പ്പെടെ മറ്റ് പല രോഗങ്ങള്ക്കും ഈ പാനീയം വളരെ ഫലപ്രദമാണെന്നും സുരേന്ദ്ര സിങ് പറഞ്ഞു.
ഗോമൂത്രം കുടിക്കണമെന്ന തൻ്റെ നിർദേശം എല്ലാവരും ലോകം മുഴുവൻ പ്രചരിപ്പിക്കണം. കൊവിഡിനെ പ്രതിരോധിക്കാൻ ഈ സന്ദേശം പ്രചരിപ്പിക്കേണ്ടത് ആവശ്യമാണ്. ഗോമൂത്രം എങ്ങനെ കുടിക്കണമെന്ന് സ്വയം കാണിച്ചു തരുന്ന വീഡിയോ സുരേന്ദ്ര സിങ് സമൂഹമാധ്യമങ്ങളിലൂടെ പങ്കുവയ്ക്കുകയും ചെയ്തു. കൊവിഡ് പ്രതിരോധ പ്രവർത്തനങ്ങൾ ശക്തമാകുന്നതിനിടെ തെറ്റായ വിവരങ്ങള് പ്രചരിപ്പിക്കരുതെന്ന് സർക്കാരും ആരോഗ്യവകുപ്പും നിർദേശിക്കുന്നതിനിടെയാണ് ബിജെപി എംഎൽഎ വീഡിയോയുമായി എത്തിയത്.
സമൂഹമാധ്യമങ്ങളിൽ പങ്കുവച്ച വീഡിയോയിലൂടെയാണ് സുരേന്ദ്ര സിങ് എല്ലാവരോടും ഗോമൂത്രം കുടിക്കാൻ നിർദേശിച്ചത്. "കൊവിഡിനെ പ്രതിരോധിക്കാൻ എല്ലാവരും ഗോമൂത്രം കുടിക്കുകയും മറ്റുള്ളവരോട് കുടിക്കാൻ നിർദേശിക്കുകയും വേണം. ശരീരത്തിൻ്റെ ആരോഗ്യം പരിപാലിക്കുന്നതിൽ ഗോമൂത്രം മികച്ച ഔഷധമാണ്. പൊതുപ്രവർത്തകനായ താൻ 18 മണിക്കൂർ ജോലി ചെയ്തിട്ടും ക്ഷീണം അനുഭവപ്പെടാത്തത് പതിവായി ഗോമൂത്രം കുടിക്കുന്നതിനാലാണ്" - എന്നും അദ്ദേഹം പറഞ്ഞു.
വെള്ളത്തിൽ ചേർത്ത് അതിരാവിലെ വെറും വയറ്റിൽ വേണം ഗോമൂത്രം കുടിക്കാൻ. ഇതിന് ശേഷം അരമണിക്കൂർ നേരം മറ്റൊന്നും കഴിക്കരുത്. കൊവിഡിനെ പ്രതിരോധിക്കാൻ മാത്രമല്ല. ഹൃദ്രോഗമുള്പ്പെടെ മറ്റ് പല രോഗങ്ങള്ക്കും ഈ പാനീയം വളരെ ഫലപ്രദമാണെന്നും സുരേന്ദ്ര സിങ് പറഞ്ഞു.
ഗോമൂത്രം കുടിക്കണമെന്ന തൻ്റെ നിർദേശം എല്ലാവരും ലോകം മുഴുവൻ പ്രചരിപ്പിക്കണം. കൊവിഡിനെ പ്രതിരോധിക്കാൻ ഈ സന്ദേശം പ്രചരിപ്പിക്കേണ്ടത് ആവശ്യമാണ്. ഗോമൂത്രം എങ്ങനെ കുടിക്കണമെന്ന് സ്വയം കാണിച്ചു തരുന്ന വീഡിയോ സുരേന്ദ്ര സിങ് സമൂഹമാധ്യമങ്ങളിലൂടെ പങ്കുവയ്ക്കുകയും ചെയ്തു. കൊവിഡ് പ്രതിരോധ പ്രവർത്തനങ്ങൾ ശക്തമാകുന്നതിനിടെ തെറ്റായ വിവരങ്ങള് പ്രചരിപ്പിക്കരുതെന്ന് സർക്കാരും ആരോഗ്യവകുപ്പും നിർദേശിക്കുന്നതിനിടെയാണ് ബിജെപി എംഎൽഎ വീഡിയോയുമായി എത്തിയത്.