എന്‍പിആറിന് വേണ്ടി രേഖകള്‍ സൂക്ഷിച്ച് വച്ചോളു∶ ഡല്‍ഹിയിലെ മുസ്ലീം വോട്ടര്‍മാരെ പരിഹസിച്ച് ബിജെപി

ന്യൂഡല്‍ഹി∶ രാജ്യതലസ്ഥാനം ശനിയാഴ്ച നിയമസഭാ തെരഞ്ഞെടുപ്പിലേക്ക് നീങ്ങിയപ്പോള്‍ മുസ്ലീം സ്ത്രീകളെ പരിഹാസിച്ച ബിജെപി കർണാടക ഔദ്യോഗിക ഘടകം രംഗത്ത്. ഡല്‍ഹിയില്‍ വോട്ട് ചെയ്യുന്നതിന് വേണ്ടി പോളിങ്ങ് ബൂത്തിന് മുന്നില്‍ വരിയായി നില്‍ക്കുന്ന മുസ്ലീം സ്ത്രീകളുടെ വീഡിയോ ഇട്ടാണ് ബിജെപിയുടെ പരിഹാസം.

Also Read : ഡൽഹി വോട്ടെടുപ്പ്: പോളിങ് അവസാനിച്ചു: പോളിങ്ങിൽ വൻ ഇടിവ്

രേഖകള്‍ നിങ്ങള്‍ കാണിക്കേണ്ടതില്ല എന്ന് ഹിന്ദിയില്‍ എഴുതി. അതിന് താഴെയായി രേഖകള്‍ സുരക്ഷിതമായി വയ്ക്കു, എന്‍പിആര്‍ വ്യവഹാരസമയത്ത് ഇത് വീണ്ടും കാണിക്കേണ്ടി വരും എന്നും കുറിച്ചിരുന്നു. ദൃശ്യത്തില്‍ ബൂർഖ അണിഞ്ഞ സ്ത്രീകള്‍ തങ്ങളുടെ വോട്ടേഴ്സ് തിരിച്ചറിയൽ കാർഡ് ഉയര്‍ത്തി നില്‍ക്കുന്നതായി കാണിക്കുന്നുണ്ട്.



ഇന്ന ഉയ്ക്ക് 12.45 നാണ് ഔദ്യോഗിക അക്കൗണ്ടില്‍ നിന്നും വീഡിയോ പങ്കുവച്ചിരിക്കുന്നത്. ബിജെപിയുടെ ഈ നടപടിക്ക് എതിരെ ശക്തമായ പ്രതിഷേധമാണ് സമൂഹമാധ്യമങ്ങളില്‍ നിന്നും ഉയരുന്നത്. പാര്‍ട്ടിയുടെ ഈ തരത്തിലുള്ള നയങ്ങളാണ് ജനങ്ങള്‍ക്കിടയില്‍ താഴേക്ക് പതിക്കാന്‍ കാരണമായിരിക്കുന്നത്. മറ്റു മതങ്ങളെ അപമാനിക്കുന്നത് ശരിയല്ലെന്നും സമൂഹമാധ്യമങ്ങളില്‍ പ്രതികരണം ഉണ്ടായിട്ടുണ്ട്.

Also Read : ഹെല്‍മറ്റ് വയ്ക്കാതെ യാത്ര ചെയ്തു∶ പ്രായപൂർത്തിയാകാത്ത ആള്‍ക്ക് 42,000 രൂപ പിഴ

ശനിയാഴ്ച രാവിലെ എട്ട് മണിയോടെയാണ് ഡല്‍ഹി തെരഞ്ഞെടുപ്പ് ആരംഭിച്ചത്. ഇത് വൈകിട്ട് 6.30 വരെ നീളുകയും ചെയ്തു. ഫെബ്രുവരി 11 ചൊവ്വാഴ്ചയാണ് തെരഞ്ഞെടുപ്പ് ഫലം വരുന്നത്.

കേന്ദ്രസര്‍ക്കാരിന്റെ പൗരത്വ നിയമ ഭേദഗതിക്കെതിരെ നാളുകളായി പ്രതിഷേധങ്ങള്‍ നടക്കുകയാണ്. എന്നിരുന്നാലും നടപടികളില്‍ നിന്നും ഒരുതരത്തിലും പിന്നോട്ട് പോകില്ലെന്ന് ഉറച്ച നിലപാടിലാണ് ബിജെപി സര്‍ക്കാര്‍.