തമിഴ്‍നാട്ടില്‍ ബിജെപിയെ 'നോട്ട' പോലും തോല്‍പ്പിച്ചു

ചെന്നൈ: സ്വതന്ത്ര സ്ഥാനാര്‍ഥി ടിടിവി ദിനകരന്‍ ജയിച്ച ആര്‍കെ നഗര്‍ ഉപതെരഞ്ഞെടുപ്പില്‍ ബിജെപി ഒരു നാണക്കേടിന്‍റെ റെക്കോഡ് സ്വന്തമാക്കി. നോട്ട വോട്ടുകളെക്കാള്‍ താഴെയാണ് ഇവിടെ ബിജെപി.

ഒരു സ്ഥാനാര്‍ഥിക്കും വോട്ട് ചെയ്യാന്‍ താല്‍പര്യമില്ലാത്തവര്‍ക്കുള്ള പ്രതിഷേധ വോട്ടാണ് നോട്ട. ജയലളിതയുടെ മരണത്തെതുടര്‍ന്നാണ് ആര്‍കെ നഗറില്‍ ഉപതെരഞ്ഞെടുപ്പ് നടന്നത്

നോട്ടയ്ക്ക് 2373 വോട്ടുകലാണ് ഈ തെരഞ്ഞെടുപ്പില്‍ ലഭിച്ചത്. ബിജെപി സ്ഥാനാര്‍ഥി കരു നാഗരാജന് 1417 വോട്ടുകള്‍ മാത്രമാണ് ലഭിച്ചത്. ടെലിവിഷന്‍ അവതാരകനായ നാഗരാജന്‍ ഇതിന് മുന്‍പും തെരഞ്ഞെടുപ്പില്‍ മത്സരിച്ച് പരാജയപ്പെട്ടിട്ടുണ്ട്.