യുപി തദ്ദേശ തെരഞ്ഞെടുപ്പ്: ബിജെപിക്ക് വൻ വിജയം

ലഖ്‌നൗ: മൂന്ന് ഘട്ടങ്ങളിലായി ഉത്തർപ്രദേശിൽ നടന്ന തദ്ദേശതെരഞ്ഞെടുപ്പിൽ ബിജെപിക്ക് വൻ വിജയം. 16 മുനിസിപ്പൽ കോർപ്പറേഷനുകളിലേക്ക് നടന്ന തെരഞ്ഞെടുപ്പിൽ 14 ഉം ബിജെപി നേടി. രണ്ട് സീറ്റുകളിൽ ബിഎസ്‌പി വിജയിച്ചു.എന്നാൽ എസ്‌പിക്കും കോൺഗ്രസിനും ഒരു സീറ്റു പോലും നേടാനായില്ല.

മോദിയുടെ വികസന നയങ്ങളാണ് ബിജെപിക്ക് വലിയ വിജയം നേടിത്തന്നതെന്ന് യോഗി ആദിത്യനാഥ് പ്രതികരിച്ചു. യോഗി ആദിത്യനാഥ് മുഖ്യമന്ത്രിയായ ശേഷമുള്ള ആദ്യത്തെ തെരഞ്ഞെടുപ്പാണിത്. 2019 ൽ ബിജെപിക്ക് മുഴുവൻ സീറ്റുകളും നേടാനാകുമെന്ന് യോഗി വാർത്താ സമ്മേളനത്തിൽ പറഞ്ഞു. രാഹുൽ ഗാന്ധിക്ക് സ്വന്തം മണ്ഡലത്തിൽ പോലും വിജയിക്കാനാകില്ലെന്നും അദ്ദേഹം കൂട്ടിച്ചേർത്തു.