സ്വാമി അഗ്നിവേശിനെ ബിജെപി പ്രവര്‍ത്തകര്‍ തെരുവിൽ മര്‍ദ്ദിച്ചു

റാഞ്ചി: സാമൂഹികപ്രവര്‍ത്തകനും ആര്യസമാജ പണ്ഡിതനുമായ സ്വാമി അഗ്നിവേശിനെ ബിജെപി പ്രവര്‍ത്തര്‍ തെരുവിൽ ആക്രമിച്ചു. ജാര്‍ഖണ്ഡിലെ പാകൂറിൽ ഒരു പരിപാടിയിൽ പങ്കെടുത്തശേഷം മടങ്ങുമ്പോഴാണ് ബിജെപി, യുവമോര്‍ച്ച പ്രവര്‍ത്തകര്‍ സ്വാമി അഗ്നിവേശിനെ ആക്രമിച്ചത്. ബീഫ് നിരോധനം സംബന്ധിച്ച് സ്വാമി നടത്തിയ പരാമര്‍ശമാണ് ബിജെപി പ്രവര്‍ത്തകരെ ചൊടിപ്പിച്ചതെന്നാണ് റിപ്പോര്‍ട്ട്.

പാകൂറിൽ പരിപാടി നടന്ന ഹോട്ടലിൽ നിന്ന് പുറത്തേയ്ക്കിറങ്ങുമ്പോഴാണ് കരിങ്കൊടിയേന്തിയ സംഘം സ്വാമി അഗ്നിവേശിനെ ആക്രമിച്ചത്. അദ്ദേഹത്തിന് നേരെ പാഞ്ഞടുത്ത പ്രവര്‍ത്തകര്‍ അദ്ദേഹത്തെ മര്‍ദിച്ച് റോഡിൽ തള്ളിയിട്ട ശേഷവും മര്‍ദനം തുടര്‍ന്നു. സംഭവത്തിന്‍റെ വീ‍ഡിയോ ദൃശ്യങ്ങളും പുറത്തുവന്നിട്ടുണ്ട്.