ത്രിണമൂല്‍ കോണ്‍ഗ്രസിനെതിരെ മുകുള്‍ റോയ്

ന്യൂഡല്‍ഹി: ത്രിണമൂല്‍ കോണ്‍ഗ്രസിനെതിരെ ഫോണ്‍ ചോര്‍ത്തല്‍ ആരോപണവുമായി മുകുള്‍ റോയ്. തന്റെ സ്വകാര്യ ഫോണ്‍ സംഭാഷണങ്ങള്‍ ത്രിണമൂല്‍ കോണ്‍ഗ്രസ് ചോര്‍ത്തുന്നുവെന്ന് ആരോപിച്ച് അദ്ദേഹം ഡല്‍ഹി ഹൈക്കോടതിയെ സമീപിച്ചു.

മുന്‍ റെയില്‍വേമന്ത്രി കൂടിയായ മുകുള്‍ ഈയടുത്താണ് ത്രിണമൂല്‍ കോണ്‍ഗ്രസ് ഉപേക്ഷിച്ച് ബി ജെ പിയില്‍ ചേര്‍ന്നത്. എന്നാല്‍ കേസ് പരിഗണിക്കേണ്ടിയിരുന്ന ജഡ്ജി ഇന്ന് ഇല്ലാതിരുന്നതു കൊണ്ട് കേസ് നവംബര്‍ 20ലേക്ക് മാറ്റിവച്ചു.

ബി ജെ പിയില്‍ ചേര്‍ന്നതിനു ശേഷമുള്ള ആദ്യ പൊതുറാലിയില്‍, ത്രിണമൂലിനെ പ്രൈവറ്റ് ലിമിറ്റഡ് കമ്പനിയെന്ന് മുകുള്‍ വിശേഷിപ്പിച്ചിരുന്നു. അനന്തരവന്‍ അഭിഷേക് ബാനര്‍ജിക്ക് മമത വഴിവിട്ട സഹായങ്ങള്‍ ചെയ്യുന്നുണ്ടെന്നും മുകുള്‍ റോയ് ആരോപിച്ചിരുന്നു.