തെരഞ്ഞെടുപ്പ് പ്രചാരണത്തിനിടെ ബിജെപി നേതാവ് പങ്കജ മുണ്ടെ കുഴഞ്ഞുവീണു

മുംബൈ: മഹാരാഷ്ട്രയിലെ വനിതാ ശിശു ക്ഷേമ മന്ത്രി പങ്കജ മുണ്ടെ തെരഞ്ഞെടുപ്പ് പ്രചാരണത്തിനിടെ വേദിയിൽ കുഴഞ്ഞുവീണു. വോട്ടർമാരെ അഭിസംബോധന ചെയ്ത് സംസാരിക്കുന്നതിനിടെയാണ് പങ്കജ മത്സരിക്കുന്ന ബീഡ് ജില്ലയിലെ പാർലിയിലെ തെരഞ്ഞെടുപ്പ് പ്രചാരണ വേദിയിൽ പങ്കജ തലകറങ്ങി വീണത്.

മന്ത്രിയെ ആശുപത്രിയിൽ പ്രവേശിപ്പിച്ചതായും അവർ സുഖം പ്രാപിച്ചുവരികയാണെന്നും ബിജെപി വ്യക്തമാക്കി. ശനിയാഴ്ച അഞ്ചാമത്തെ തെരഞ്ഞെപ്പ് റാലിയിയെ അഭിസംബോധന ചെയ്യാൻ തുടങ്ങവെയാണ് സംഭവം. സഹോദരിയും ബിജെപി എംപിയുമായ പ്രീതം മുണ്ടെ വേദിയിൽ ഉണ്ടായിരുന്നു.

ബന്ധുവും എൻസിപി നേതാവുമായ ധനഞ്ജയ് മുണ്ടെയ്ക്കെതിരെയാണ് പങ്കജ മത്സരിക്കുന്നത്. തിങ്കളാഴ്ചയാണ് പാർലിയിൽ തെരഞ്ഞെടുപ്പ് നടക്കുന്നത്. തിരക്കേറിയ പ്രചാരണ പരിപാടികളാണ് പങ്കജയെ തളർത്തിയതെന്ന് ബിജെപി വക്താവ് കേശവ് ഉപാധ്യായ് പറഞ്ഞു. പങ്കജയെ അടുത്തുള്ള ആശുപത്രിയിൽ പ്രവേശിപ്പിച്ചതായും അവർ സുഖം പ്രാപിച്ചുവരികയാണെന്നും അദ്ദേഹം വ്യക്തമാക്കി.